" သားအိပ်နေပြီလား .."
" ဟုတ်တယ် အိပ်နေပြီ
ကျွန်တော်နဲ့ဇာတ်ကားကြည့်ရင်းအိပ်သွားတာ "
ထိုင်ခုံပေါ်မှာထိုင်နေသည့်နေဖုန်းရဲ့ပေါင်ပေါ်မှာ
သားလေးက အိပ်မောတွေကျလို့နေလေသည် ..။
နေ့လယ်နေ့ခင်း မအိပ်သည့်နေ့တွေဆိုလျှင်
သားလေးက ညဘက်မှာစောစောအိပ်တတ်သည် ။
" အဲ့ဒါဆို ခဏချီထားလိုက်ဦးနော်
မမ အိပ်ယာသွားခင်းလိုက်ဦးမယ်.. "
" ဘုန်းလေးကို ကျွန်တော်နဲ့သိပ်လိုက်မယ် .."
" ဟင် .. ရ ရပါတယ် .."
" မမတို့ကုတင်က သုံးယောက်ဘယ်လိုဆန့်မှာလဲ
ရတယ် ဘုန်းလေးကိုကျွန်တော်နဲ့သိပ်လိုက်မယ် "
နေဖုန်းက သားလေးကိုချီပြီး သူ့အိပ်ယာကိုသွားတာမို့
လရိပ်ညိုမှာ ဘာလုပ်လို့ဘာကိုင်ရမှန်းမသိဖြစ်သွားသည်။
အပြင်မှ အမေလည်းပြန်ရောက်လာပြီး
နေဖုန်းနဲ့သားလေးကိုတွေ့သွားတာကြောင့်
နေဖုန်းပြောတဲ့အစီအစဥ်ကိုထောက်ခံပြန်သည်။
" ဟုတ်တယ်လေသမီးရဲ့
မြေးလေးက နေရာကျဥ်းရင်အိပ်တတ်မှာမဟုတ်ဘူး
ဒီညတော့ ကလေးကိုအပြင်မှာဘဲသိပ်လိုက် မနက်ကျမှ
ကုတင်မဆန့်ရင် ကုတင်ကိုအပြင်ထုတ်ပြီးအခန်းရှင်းလိုက်
ဗီရိုထဲမှာ ခေါင်းအုံးစွပ်တွေရှိတယ် ယူပြီးလဲပေးလိုက်ဦး
ညည်းကောင်လေးက အသန့်အပြန့်ကကြိုက်ပါဘိသနဲ့ .."
" ဟုတ် .."
လရိပ်ညိုလည်း အမေ့ထံမှ
ပွင့်ပွင့်လင်းလင်းခွင့်ပြုချက်ရပြီမို့
ဗရိုထဲကမှ ခေါင်းအုံးစွပ်အသစ်တွေကိုထုတ်ယူပြီး
အခန်းထဲကို ပြန်ဝင်လာခဲ့လေသည် ...။
" အမေက အတူတူအိပ်တဲ့လား .."
" အင်း .."
" ဟား ယောက္ခမကြီးက ချစ်ဖို့ကောင်းလိုက်တာ.."
ကုတင်ပေါ်မှာထိုင်နေသည့်မောင်က
အအနားကို ရောက်လာပြီး ပွေ့ဖက်ဖို့ဟန်ပြင်နေတာမို့
ရှောင်တိမ်းလိုက်ရသည်။
" ခဏနေပါဦးမောင်ရဲ့
သားလေးရဲ့ခေါင်းအုံးတွေသွားပေးရဦးမယ် .."
STAI LEGGENDO
🌙 လရိပ်ညို 🌙
Storie d'amoreအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
