" လရိပ်ညိုရေ .. လရိပ်ညို .. "
" ရှင် .."
ထမင်းအိုးတည်နေတဲ့လရိပ်ညိုမှာ
အိမ်ရှေ့ကခေါ်သံကြောင့် ထွက်ကြည့်လိုက်တော့
လက်ထဲမှာ ငါးလေးတွေကို ကြိုးနဲ့သီပီးဆွဲလာတဲ့
အရီးပုမကို တွေ့လိုက်ရလေသည် ...။
" အရီးပုပါလား .. "
" အေး ဒီမှာ ညည်းအမေပြောသွားလို့
မနက်ကညည်းဦးလေး အင်းထဲသွားရှာတာ
ဘာမှမရခဲ့ဘူးလေ အဲ့ဒါအခုမှရလာလို့ လာပို့တာ
ညည်းဘာချက်လဲ "
" လရိပ်ပဲသီးချက်တယ်အရီးပုရဲ့
အရီးပုငါးလာပေးရင်တော့ မောင်လေးတို့ဖို့
ကြော်ပေးထားလိုက်ရင် ကောင်းမလားလို့ ..."
" အေးအေး ကောင်းတယ်
ဒါနဲ့ မယ်တင်တို့က ဘယ်နှရက်ကြာမှာတဲ့လဲ "
" တညအိပ်လို့တော့ ပြောတာပါပဲအရီးပုရယ် .."
" အော် အေးပေါ့
ရန်ကုန်ဆိုတာက အဝေးကြီးကိုး
ညည်းက အဲ့ဒီရန်ကုန်မှာ ကျောင်းသွားတက်မလို့ဆို
ကြည့်လည်းလုပ်ပါဦး လရိပ်ညိုရယ် .."
" အဲ့တာကြောင့် အမေတို့လိုက်သွားတာအရီးပုရဲ့
လရိပ်လည်း မသွားချင်ပါဘူး ဒါပေမယ့် ....."
" လရိပ်ညိုရေ .. လရိပ်ညို ...."
အရီးပုနဲ့ လရိပ်ညိုတို့ စကားပြောနေစဥ်
အိမ်ခြံထဲကို ခပ်သုတ်သုတ်ပြေးဝင်လာသူက
လရိပ်ညိုတို့အိမ်ရဲ့ ခပ်လှမ်းလှမ်းကုန်ဆုံဆိုင်မှ
မမိုးသူဖြစ်နေလေသည်...။
" မကြီးမိုးသူ ဘာဖြစ်လို့လဲ ..."
" ဒီမှာ ညည်းအမေ မယ်တင်ဖုန်းဆက်တယ်
ညည်းနဲ့ပြောချင်လို့တဲ့ အဲ့ဒါ ငါဖုန်းလာပေးတာ .."
" ဟယ် .. အားနာလိုက်တာ မကြီးမိုးသူရယ်
လရိပ်ကို လူကြုံနဲ့မှာလိုက်တာတော့မဟုတ်ဘူး... "
" အမလေးအေ ရပါတယ်
ရော့ ညည်းအမေပြန်ခေါ်လိမ့်မယ် ..."
" ဟုတ် ဟုတ်ကဲ့မကြီးမိုးသူ
အရီးပုနဲ့ မကြီးမိုးသူတို့ ခဏထိုင်ကြဦးနော်
လရိပ် ထမင်းအိုးဆူနေလို့ သွားငှဲ့လိုက်ဦးမယ် ..."
" နေနေ လရိပ် .. ငါငှဲ့ပေးထားမယ်
ညည်းအမေဖုန်းခေါ်လို့လွဲနေပါဦးမယ် စောင့်နေ .."
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
