" မင်း ဘယ်အထိစဥ်းစားထားလဲ သား .."
ဒယ်ဒီ့ရဲ့ရှေ့မှာထိုင်နေရပေမယ့်
မင်းကမ္ဘာရဲ့စိတ်တွေက အမကြီးထံသာရောက်နေသည် ။
ဒယ်ဒီဆွဲခေါ်တဲ့နောက်ကို ပါလာခဲ့ရပေမယ့်
အခန်းထဲရောက်မှ အမူအယာတမျိုးပြောင်းသွားတဲ့
ဒယ်ဒီ့ကိုလည်း နားမလည်နိုင်တော့တာ အမှန်ပင် ။
" လရိပ်ညိုကို မင်းဘဝရဲ့
လက်တွဲဖော်အဖြစ် သတ်မှတ်နေတာလား
မင်း ဒီအသက်အရွယ်လေးနဲ့ ရည်းစားထားပြီး
ဘဝကို အလေလိုက်တော့မလို့လား ... "
အလေလိုက်ကြည့်ချင်ပေမယ့်လည်း
အမကြီးရဲ့အချစ်ကို ဘယ်လိုပိုင်အောင်လုပ်ရမလဲ ။
" သားရဲ့ဘဝရှေ့ရေးအတွက် ဒယ်ဒီတို့တွေ
ဘယ်လောက်ထိမျှော်လင့်ထားလဲ သားသိလား .."
သားဘဝရဲ့ရှေ့ရေးကိုတော့
အမကြီးနဲ့အတူတူ ဖြတ်သန်းသွားချင်တာပါ ဒယ်ဒီ ။
" အနေနီးလို့ စိတ်ကစားမိတယ်ဆိုတာ
ဒယ်ဒီလက်ခံပေးလို့ရတယ် သား .. ဒါပေမယ့်
လရိပ်ညိုက သားဘဝရဲ့လက်တွဲဖော်မဟုတ်ဘူး.. "
" .................. "
" ဒယ်ဒီပြောတာ သားသဘောပေါက်ရဲ့လား "
ဒယ်ဒီပြောနေတာတွေက
မင်းကမ္ဘာတခါမှ တွေးမကြည့်ခဲ့ဖူးတဲ့
ဟိုအမြင့်က စကားလုံးတွေသာ ဖြစ်နေခဲ့လေသည် ။
နောက်ဆုံးစကားလုံးက အမကြီးနဲ့သူ့ကို
ဒယ်ဒီသဘောမတူဘူးဆိုတာတော့ နားလည်လိုက်သည်။
သူသိတာ အမကြီးကို ချစ်သည် ..။
အမကြီးကိုပဲ မြင်ချင်နေမိတဲ့ သူ့စိတ် ..။
ဒယ်ဒီမေးတဲ့ ဘယ်အထိစဥ်းစားထားလဲဆိုရင်
အမကြီးကို သူ တသက်လုံးချစ်သွားချင်ပါသည် ..။
သူ့အနားမှာအမကြီးရှိနေရင် ပြည့်စုံနေပြီထင်သည် ။
လက်တွဲဖော်ဆိုတာ လက်ထပ်တာဆိုရင်
သူ အမကြီးကိုပဲ လက်ထပ်ချင်ပါသည် ...။
အမကြီးနဲ့အတူတူ အမြဲတမ်းနေသွားချင်သည် ။
ရည်းစားထားတာက အလေလိုက်တာဆိုရင်တောင်
အမကြီးကသူ့ကို လေလွင့်အောင်တော့လုပ်မှာမဟုတ်။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
