" နည်းနည်းတော့မျက်နှာပူဖို့ကောင်းပေမယ့်
ဒယ်ဒီတို့ မနက်ဖြန်တရားရုံးမှာလက်မှတ်ထိုးကြမလို့ "
မိသားစုအစုံအညီ ညစာစားကြချိန်မှာတော့
ဒယ်ဒီက တီငယ်နဲ့လက်ထပ်မယ့်အကြောင်းကို
သူနဲ့အမကြီးကို အသိပေးဖွင့်ပြောလာခဲ့လေသည် ။
ဒယ်ဒီ့မျက်နှာက တည်တည်ငြိမ်ငြိမ်နဲ့
အသေအချာဆုံးဖြတ်ပြီးပုံဖြစ်ကာ တီငယ်ကတော့
ရှက်နေတဲ့အရိပ်အယောင်လေး အနည်းငယ်ရှိနေသည်။
နှစ်ပေါင်းများစွာ မျှော်လင့်ခဲ့ရသည့်လူတယောက်ထံမှ
အခုလို ချစ်ခြင်းမေတ္တာတွေကိုဖမ်းဆုပ်ခွင့်ရချိန်မှာတော့
တီငယ့်ရင်ထဲကခံစားချက်ကို ကောင်းစွာနားလည်ပါသည်။
ကိုယ်ချစ်ရတဲ့သူထံမှာ
ကိုယ့်အတွက် မေတ္တာတွေရှိနေတာကလည်း
ဘဝမှာ နေပျော်နိုင်ခြင်းတွေထဲက တခုပါပဲ ။
စိတ်အနာတွေအများကြီးဖြစ်ခဲ့ရပေမယ့်
အချစ်တွေနဲ့ကုစားခွင့်ရတော့မယ့်ဒီအချိန်မှာ
တီငယ်တယောက် ဘယ်လောက်ထိပျော်နေလိမ့်မလဲ ။
အခုထိ နုညက်လှပ,နေသေးသည့်မျက်နှာပေါ်မှာ
ပန်းသွေးရောင်လေးပြေးနေတာကလည်း အချစ်ပဲပေါ့ ။
သူကျေနပ်စွာ ပြုံးလိုက်မိပါသည် ။
" မျက်နှာပူစရာမဟုတ်ပါဘူးဒယ်ဒီရာ
မဂ်လာသတင်းမို့ မဂ်လာရှိရှိရင်ဆိုင်လိုက်စမ်းပါ "
" သားတို့သဘောကရော .."
" မေးနေစရာလိုသေးလို့လားဒယ်ဒီရာ
ကျွန်တော့ဆန္ဒကို ဟိုးအရင်ကတည်းက
ဒယ်ဒီ့ကိုပြောခဲ့ပြီးသားမဟုတ်လား ဒယ်ဒီတနေ့နေ့
နောက်တယောက်ကို လက်ထပ်မယ်လို့ စဥ်းစားတဲ့အခါ
တီငယ့်ကိုဦးစားပေးပေးပါလို့ပြောခဲ့တယ်မို့လား ..."
" ဒယ်ဒီအများကြီးစဥ်းစားခဲ့တာပေါ့ ဒါပေမယ့်
ဒယ်ဒီ့ဘဝမှာ အရေးအကြီးဆုံးက သားပဲဖြစ်ခဲ့တာ "
အခုချိန်မှာတော့ ဒယ်ဒီ့ရဲ့စကားကို
သူ အကြွင်းမဲ့ယုံကြည်နေပါသည် ။
သူ့ကြောင့်နဲ့မို့ ဒယ်ဒီ့မှာ
အမှားဆိုတာတွေကို အများကြီးလုပ်ခဲ့ရတာတွေ ။
CITEȘTI
🌙 လရိပ်ညို 🌙
Dragosteအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
