ဆံပင်ရှည်တွေကို ခပ်လျော့လျော့လေးစီးချထားပြီး
ဘာတွေလုပ်နေမှန်းမသိတဲ့အမကြီးက မီးဖိုခန်းထဲမှာ ။
မီးတွေကို အပြည့်ထွန်းမထားတာကြောင့်
ခပ်ဖျော့ဖျော့အလင်းရောင်ရဲ့ အောက်မှာတော့
အမကြီးက တလှုပ်လှုပ်နဲ့အလုပ်ရှုပ်နေပုံရလေသည်။
အမှတ်သည်းခြေမရှိသည့်နှလုံးသားက
ဒီအခြေအနေမှာတောင် ထိန်းကျောင်းရခက်လာသည်။
ဒီအချိန်ကြီး မီးဖိုခန်းထဲရှိနေတာက
ဘယ်သူ့အတွက်များ ဖြစ်ဦးမှာလဲ..။ ခင်များကတော့ ။
" ဟင် .. မောင် .."
မျက်လုံးလေးပြူးပြီး နှုတ်ခမ်းလေးပွင့်ဟသွားကာ
အသံမကြားရပေမယ့် အခေါ်အဝေါ်ကိုခန့်မှန်းမိနေသည်။
" အဟမ်း .. ဗိုက် ဗိုက်ဆာလာလို့ .."
ဆံပင်တွေကိုဆွဲကုတ်ပြီး
အခန်းထဲဝင်လာသည့်မောင့်ကို လရိပ်ညိုမှာ
ထိုင်ဖို့အတွက် ခုံကိုဆွဲထုတ်ပေးလိုက်မိသည် ။
မနက်နိုးရင် စားဖို့အတွက်
ကြက်ပေါင်းလေးလုပ်ပေးနေစဥ် ရောက်လာတာမို့
လတ်တလော စားလို့အဆင်ပြေတာကို စဥ်းစားရပြန်သည်။
" ဘာစားမလဲ ခေါက်ဆွဲလေးလုပ်ပေးရမလား .."
" အမကြီးက မအိပ်ဘဲ ဒီမှာဘာလုပ်နေတာလဲ .."
" ဟင် .."
စူအောင့်အောင့်ထွက်လာတဲ့စကားသံကြောင့်
လရိပ်ညိုမှာ မောင့်ကိုလှည့်ကြည့်လိုက်မိလေသည် ။
ခုံပေါ်မှာ ကိုးရို့ကားယားထိုင်နေပြီး
မျက်မှောင်ကုတ်ပြီးကြည့်နေတာမို့ လရိပ်ညိုမှာ
ကိုယ့်အပြစ်ကိုယ် ပြန်စဥ်းစားကြည့်ရပြန်သည် ။
" ဒီအချိန်ကြီးကို .."
" မနက်ကိုစားဖို့အတွက် ကြက်သားလေးပေါင်းနေတာ
အခုတော့စားလို့မရသေးဘူး ခေါက်ဆွဲလေးဘဲစားထားနော် "
အပေါ်ခန်းထဲက ခေါက်ဆွဲတထုတ်ယူပြီး
စားလို့ကောင်းမယ့်အခြေအနေဖြစ်အောင်
သေသေချာချာလေး ပြင်ပေးနေမိလေသည် ။
မေဗလ့်ထံမှ မေးခွန်းများစွာရရှိခဲ့ပြီး
မဟုတ်ပါဘူးဆိုတဲ့ ငြင်းဆိုမှုတခုသာ တုန့်ပြန်ခဲ့ကာ
လရိပ်ညိုမှာ အတွေးများစွာနဲ့ အိပ်မပျော်နိုင်ဖြစ်ခဲ့ရသည်။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
