" သားဘယ်လိုလုပ်မှာလဲ .."
" ဘာလုပ်ရမှာလဲတီငယ်
သူနေမကောင်းရင် သူ့ကိုပြုစုမယ့်သူရှိနေတာဘဲ
ကျွန်တော်က လိုသေးလို့လား လိုအပ်တော့လို့လား "
" သားရယ် .. ဒီလိုတော့လဲ ဘယ်ဟုတ်ပါ့မလဲ .."
" ဘာလို့မဟုတ်ရမှာလဲ
သူက ဆရာဝန်တယောက်ဘဲ ပြီးတော့
သူ့ကိုအနီးကပ်ပြုစုမယ့် သူနာပြုလည်းရှိနေပြီလေ "
ကေသရီ့မှာ ဘာမှဆက်မပြောနိုင်အောင်ဖြစ်နေရသည် ။
ကိုယ့်ရဲ့အတတ်နှင့် ကိုယ့်စူးတယ်ဘဲပြောရမလား ။
လရိပ်ညိုကို အကိုကြီးနဲ့လက်ထပ်သွားပြီလို့
သူမကိုယ်တိုင် သားလေးကိုအသိပေးခဲ့ပြီး အခုတော့
အကိုကြီးက ကျန်းမာရေးမကောင်းလို့ ပြန်လာကြပါလို့
သတင်းစကား ပါးလာချိန်မှာတော့ ကေသရီ့ရဲ့ရင်ထဲမှာ
စိုးရိမ်ပူပန်စိတ်တွေက ထိန်းမရသိမ်းမရ ဖြစ်လာရလေသည်။
သားလေးကလည်း အိမ်ပြန်ဖို့ရာကို
ဘယ်လိုမှ ဦးတည်ပေးလို့မရအောင်ဖြစ်နေသည် ။
ဒီအချိန်ကျမှလည်း
သားလေးကို အမှန်တရားတွေအားလုံးကို
ဖွင့်ပြောဖို့ဆိုတာက ပါးစပ်အပေါက်တရာရှိရင်တောင်
ပြောစရာစကားမရှိပါဘူးလို့ ပြောရမလိုပင်ဖြစ်နေသည် ...။
အကိုကြီးကို နာကျည်းခဲ့မိလို့
သားလေးကိုလည်း အမုန်းစိတ်တွေသွင်းပေးခဲ့ပြီး
အခုတော့ သားလေးရဲ့စိတ်ထဲမှာ လရိပ်ညိုတင် မကဘဲ
အကိုကြီးအပေါ်မှာပါ နာကျည်းမုန်းတီးနေခဲ့လေသည် ။
သားလေးရှိရင် အရာရာပြည့်စုံပြီလို့ထင်ခဲ့ပေမယ့်
အခုအချိန်မှာတော့ အကိုကြီးကိုသာစိတ်ပူနေမိသည် ။
ကေ့ကိုခွင့်လွှတ်ပါအကိုကြီးရယ်.. ။
" .............. "
" ကိုကို မြန်မာပြည်ပြန်မလို့ဆို .."
" ဘယ်သူပြောလဲ .."
" တီငယ်ပြောတာ .."
" ............... "
မေဗလ်က သူ့ထံမှအဖြေကိုမျှော်လင့်နေပေမယ့်
မင်းကမ္ဘာကတော့ ဘာမှပြန်မပြောဘဲ ငြိမ်နေမိသည် ။
CZYTASZ
🌙 လရိပ်ညို 🌙
Romansအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
