နှမြောတသခြင်း ယူကျုံးမရခြင်းတွေနဲ့
ခြေလှမ်းတွေက မြေကြီးနဲ့ထိတယ်လို့မထင်ရတော့ပေ ။
ရင်ဘတ်ထဲမှနှလုံးသားတွေ ဆွဲနှုတ်ခံလိုက်ရသလို
အနှစ်နှစ်အလလက မျက်ရည်တွေလည်း စီးကျလာသည် ။
မိုက်လိုက်တာသမီးရယ် ။
ဘဝမှာ ဒီလောက်အထိ
အရှက်ကွဲပြီး ရင်နာရမယ့်အဖြစ်မျိုးက
ဒီတခါနဲ့ဘဲ လုံလောက်ပါတော့ ။ ရှိပါစေတော့ ။
" ............ "
" ကိုညိုမောင် ဘယ်လဲဗျ .."
" လယ်ထဲပါဗျာ .."
" မိုးချုပ်တော့မယ်လေဗျာ ဒီအချိန်ကြီး .."
" အင်း .."
ပုံမှန်နှုတ်ဆက်နေကျလူတွေကိုလည်း
မျက်လုံးခြင်းအဆုံမခံဘဲ ခပ်လွှဲလွှဲသာလုပ်နေရသည် ။
ဦးတည်ရာခြေလှမ်းတွေက လယ်စောင့်တဲဆီသို့သာ ။
စိတ်တွေက ဘယ်လိုမှအဆင်မပြေနိုင်တော့သည်မို့
အခုချိန်မှာ ဘယ်သူနဲ့မှမတွေ့ချင်တော့အောင်ဖြစ်နေသည် ။
မင်းကမ္ဘာ ။
သမီးအပေါ်မှာ တွယ်တာလွန်းတဲ့ကောင်လေးမို့
ထိလောက်အထိမိုက်ရိုင်းလိမ့်မယ်လည်းမထင်မိကာ
အခုတော့ ကိုယ့်သမီးမှာ ဗိုက်တလုံးနဲ့ကျန်ခဲ့ရပြီ ...။
ယောကျ်ားဆိုရင် ကြီးကြီးငယ်ငယ်
တယောက်မှစိတ်ချထားလို့မရပါလား ။
အဖေနဲ့ သား
ကိုယ့်သမီးအပေါ်မှာ ဘယ်လိုများတွေးရက်ကြတာလဲ ။
တချိန်လုံး လေးစားအားကျခဲ့ရတဲ့
ဆရာဝန်ကြီးဆိုတဲ့လူကလည်း နောက်ဆုံးတော့
သူ့အစွယ်ကို ထုတ်ပြလာခဲ့လေပြီ ...။
လူတွေက ကိုယ့်သွေးသားမှ တန်ဖိုးရှိလိုက်ကြတာ ။
ကိုယ့်ထိမှ နာတတ်ကြတာများလား ..။
အဖေ့ရင်တွေနာလိုက်တာသမီးရယ် ။
" ................. "
" ကိုကို ရောက်ပြီလေ "
" ဟင် အင်း .. ကျေးဇူးမေဗလ် "
ဇင်မေဗလ်မောင်းသည့်ကားပေါ်မှာ
အတွေးများစွာနှင့် လိုက်ပါလာခဲ့တဲ့မင်းကမ္ဘာမှာ
ကိုယ့်အိမ်ရှေ့ရောက်တာတောင် သတိမထားမိခဲ့ပေ ။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
