ليست الكتابة بالأمر الصعب؛ ما عليك سوى أن تجلس أمام الآلة الكاتبة وتبدأ بالنزيف.
#إرنست_همنغواي
__________________
"يا علاء مش كدا مش انتَ وابنك"
نظر ليل إلى علاء وقال:علاء ... انا مقدّر موقفك وإن اللي أتخطفت حفيدتك بس مش معنى كدا إن اللوم كله هيتحط على ملك لوحدها ... ملك دلوقتي منهارة على بنتها مش فاضية لـ جَو اللوم والتقطيم
زفر علاء ليقول عبد الله:إهدى يا صاحبي إحنا دلوقتي مستنيين الشباب لمَ ييجوا ونشوف عملوا ايه
سيف:علاء ... شمس حفيدتي زي ما هي حفيدتك وانا دلوقتي زيي زيك بس انا مش هلوم بنتي لحد ما اعرف ايه اللي حصل بـ الظبط
دلف ليل في هذه اللحظة وهو يقول:وإحنا عرفنا ايه اللي حصل بـ الظبط
___________________
صفق فادي عاليًا وهو يقول بـ إعجاب شديد وهو ينظر إلى التلفاز حيث كان يُشاهد عرض إيثان:لا العرض جامد والله أحلى مِنّ الفرقة الألمانية ألف مرة
أقتربت فيروز مِنّهُ وهي تقول مبتسمة:يا راجل قول كلمة الحق مرة طيب
نظر إليها وأشار إلى شاشة التلفاز قائلًا:لا جامد والله بُصي الإضافات اللي عملوها خلّت العرض فـ حتة تانية ولو كانوا خسروا كان هيبقى ظُلم والله العظيم
جلست فيروز بجانبه وقالت:عيده تاني بقى عشان انا مشوفتهوش
أعاد فادي تشغيله بـ الفعل مرة أخرى لتقول فيروز:دول أتدربوا كتير أوي عليه
فادي:بس جامد والله انا حبيته أحلى مِنّ العرض اللي فات كمان والرقص لايق مع الأغنية ... الواد عز أخويا لو عرف بـ الحوار أقسم بالله لـ يروح مخصوص يجيبه هو وعادل مِنّ هناك
ضحكت فيروز وقالت وهي تُشاهد العرض:هو بيحب الهيب هوب برضوا
أراح فادي ظهره قائلًا:دا بيعشق حاجه أسمها هيب هوب ... عز أخويا واطي انا عارفُه والله باعني عشان عادل قاله إنه لقى أسم الأغنية اللي بيدوروا عليها بقالهم شهرين متخيلة
ضحكت فيروز وقالت وبصرها مُسَلط على شاشة التلفاز:الجزئية دي حلوة أوي
نظر فادي إلى شاشة التلفاز وقال:هي دي اللي بقولك عليها ... والأخيرة أحلى ... لمَ يقعوا مرة واحدة
نظرت إليه فيروز ورأته يضحك لتقول بأستنكار:انتَ بتضحك بجد؟؟؟؟؟!!!!!!
نظر إليها وقال ضاحكًا:مبقدرش ضحكتني أول مرة والله مع إني المفروض أزعل بس جت معايا بـ ضحك
حركت رأسها بقلة حيلة وهي تعود لمشاهدة التلفاز مرة أخرى قائلة بعدم تصديق:انتَ غريب أقسم بالله
نهض فادي قائلًا:عيطي معاهم وانا هضحك
نظرت إليه وقالت بتساؤل:رايح فين؟؟؟؟؟؟؟؟؟؟
أنت تقرأ
احببتها ولكن ج7 "حرب الأعداء"
Açãoتأتيك الرياح من حيث لا تشتهي السفن، وتظن أنك قد نجوت ولكن عندما تشتدّ الرياح في يوم مشمس ولطيف تُيقن بـ أن النهاية لَم تنتهي بعد وأن هذا لم يكن سوى بداية لحرب قائمة لوقتٍ طويل
