صفت مريم سيارتها ودلفت إلى المستشفى وهي تحمل حقيبة بيدها، خرجت مِنّ المصعد بهدوء وأتجهت إلى العناية المركزة وهي تنظر داخل حقيبتها وتُحاول إغلاقها حيث كانت لا تُغلق، زفرت مريم وحاولت إغلاقها قائلة بضيق:وبعدين معاكي جايه متقفليش دلوقتي
أصتدمت بجسد ما أمامها لـ تتفاجئ هي وتعود إلى الخلف قائلة بـ إعتذار:انا أسفه لـ حضرتك مخدتش بالي والله
نظرت إلى هاتفها ثم نظرت إليه وقالت:بعد إذنك دقيقة
أجابت على المتصل قائلة:وصلت ... أيوه ... ماشي سلام
أغلقت مجددًا ونظرت إليه قائلة بـ أعتذار وتوتر:بعتذر لحضرتك مرة تانية انا كنت مشغولة في شنطتي ومخدتش بالي خالص مِنّك
أبتسم الآخر وقال:عارف ... مكانتش أول مرة تعمليها يا مريم
تفاجئت مريم وقالت بذهول:ايه دا انتَ تعرفني
نزع الآخر نظارته الشمسية وهو يقول مُبتسمًا:أعرفك أوي كمان
نظرت إليه بذهول شديد وقالت بعدم تصديق:شهاب
شهاب بـ أبتسامه:عامله ايه
مريم بهدوء:كويسه ... انتَ ايه أخبارك
شهاب:بخير الحمد لله ... فرحت إنك هنا
مريم بتوتر:هو انتَ كويس يعني عايش حياتك بعد ما فقدت نظرك وكدا
أجابها شهاب وأبتسامه هادئة تعلو ثغره قائلًا:الحمد لله إرادة ربنا فوق كل شيء وانا راضي الحمد لله ومبسوط
مريم بهدوء:مكنتش أتوقع الردّ دا مِنّك ... كنت فاكرة هتقول عكس كل دا
شهاب:وانا جديد عليكي يا مريم ... لولا اللي حصل بقى يلا الحمد لله مفيش حد بياخد كل حاجه ... قوليلي انتِ كنتي جايه لـ مين
مريم:ليل وطه أحمد قالي إنهم مكالوش حاجه مِنّ إمبارح فـ تيتا عملتلهم آكل وأحمد طلب مِنّي أوصله ... وانتَ
أبتسم شهاب وقال:كنت عندهم بتطمن عليهم ... قوليلي صحيح فرحك أمتى انا سمعت إنه قريب
تبدلت معالم وجهها إلى الحزن والضيق لـ يتعجب شهاب قائلًا:مريم انتِ معايا ... مجاوبتنيش
نظرت إليه مريم قليلًا ثم قالت بهدوء وعينين دامعتان:الشهر الجاي
تفاجئ شهاب قائلًا:يــــاه بـ السرعة دي انا كنت فاكر بعد أربع شهور مثلًا بس مش مشكلة الأيام بتعدي زي الهوى محدش بيحس بيها ... على العموم ألف مبروك مقدمًا ربنا يجعلهالك حياة هادية ويعوضك أكيد شريف إنسان كويس ويستاهلك أوعي تضيعيه مِنّك
أبتسمت مريم بتهكم وهي تنظر إليه وكم ودت إخباره بـ أنه ليس كما يظنّ هو ولكن ما باليد حيلة، زفرت مريم بهدوء وقالت:أكيد ... وانتَ أكيد ربنا هيعوضك بـ بنت الحلال اللي تصونك وتقدرك ... مش محتاج عزومة أكيد انا عارفة إن أحمد هيعزمك بس انا بـ أكد عليك هتفرحني بـ مجيتك
أنت تقرأ
احببتها ولكن ج7 "حرب الأعداء"
Acciónتأتيك الرياح من حيث لا تشتهي السفن، وتظن أنك قد نجوت ولكن عندما تشتدّ الرياح في يوم مشمس ولطيف تُيقن بـ أن النهاية لَم تنتهي بعد وأن هذا لم يكن سوى بداية لحرب قائمة لوقتٍ طويل
