احببتها ولكن ج7 "حرب الأعداء"

الفصل الثامن (مفاجآت لم تَكُن في الحُسبان)

"أُناجيكَ ولستُ بِبطنِ الحوتِ لكنَّني، في جوفِ اللَّيلِ أُصارعُ وحشةَ أيَّامي لا إلهَ إلَا أنتَ دُلّنَي"

بعتذر على عدم نزول الفصل يوم الأربع اللي فات
___________________

أقتربت چويرية بهدوء شديد نحوها وهي تنظر إليها بترقب وتعجب، كانت حركات مديحة غير عادية بـ النسبة إليها وصدقًا قد صدق حدثها عندما رأتها تُمسك زجاجة في يدها

نظرت خلفها تجاه حنين وعلياء ثم أقتربت مِنّهما وقالت بنبرة خافتة:بقولك ايه صح يا حنين أفتكرت زين قالي خلي حنين تجيلي بسرعة دلوقتي

نظرت إليها حنين وقالت بترقب:في ايه هو في حاجه

چويرية:آه شكله كدا تعبان أوي ووشه مصفر كدا

شعرت حنين بـ الخوف ولذلك أغلقت النيران وخرجت لـ تلحق بها  علياء، نظرت چويرية إلى أثرهن ثم أبتسمت وألتفتت إلى مديحة وهي ترمقها بتوعد

أقتربت مِنّها بهدوء شديد لتراها تُحاول غلق الزجاجة، أبتسمت چويرية وظلت تقترب مِنّها حتى وقفت أمامها ثم وعلى حين غرة جذبتها بعنف مِنّ خصلاتها وهي تقول:آه يا زبالة يا خرابة انا كنت عارفه إنك مش هتتهدي غير وانتِ مفضوحة

فزعت مديحة وقالت بهلع:في ايه يا ست هانم شعري حرام عليكي

چويرية بحدة:حرام عليا ...هو انا لسه عملت حاجه يا مديحة دا انتِ يومك أسود معايا ... بتضحكي على مين يا بت ها فاكرة نفسك ذكية

وضعت مديحة يدها على يد چويرية وهي تتألم قائلة:والله يا ست هانم ما عملت حاجه

چويرية بذهول:وكمان بتكدبي يا مديحة ما انا هقول ايه الكدب بيجري فـ عروقك جري

نظرت إليها مديحة وقالت:صدقيني يا ست هانم انتِ فاهمه غلط

شددت چويرية مِنّ قبضتها وقالت:وايه هو الصح بقى يا مديحة لـ احسن انا حاسه نفسي بظلم ناس كتير اليومين دول

تحدثت مديحة وهي تنظر إليها قائلة بتوتر:انا هقولك انتِ واللهِ فاهمه غلط دا انا بحبكوا أوي ومستحيل أأذي حد فيكوا دا أنتوا حتى مديتولي إيديكوا ووقفتوا جنبي وبتعاملوني أحسن معاملة

چويرية:ما هو بيقولك يا مديحة الإيد اللي بتتمدلك بتعضها وانتِ ما شاء الله عليكي أستاذة

مديحة بتوتر:والله يا ست هانم انا مظلومة

شددت چويرية على قبضتها وهي تقول بتحذير:مديحة

جاءت اللحظة التي ستصرخ بها مديحة لحقت بها چويرية وهي تضع يدها على فَمِها وهي تدفعها على سطح الرخام، سحبت چويرية السكين الموضوعة جانبها ووضعتها على مقدمة عنقها وهي تنظر إليها قائلة:أوعي تتهوري يا ديحة ... تروحي فـ داهية على طول