احببتها ولكن ج7 "حرب الأعداء"

الفصل الخامس والثلاثون (ما بين الظلام والنور)

ما بين الظلامِ والنور يمكث رجلٌ لا يعلم أي الطرقات تؤدي إلى طريق السلام والأمن، فكيف يتخذ طريقًا على جانبيه تقبع النيران!

***

مسحت مِسك دموعها فقد تأثرت كثيرًا بحديثه ولَم تكُن تتوقع أن يفعل هو ذلك ويُفاجئها، عانقته مِسك قائلة بنبرة متأثرة:انا اللي المفروض أشكرك يا أحمد عشان حسستني فعلًا إني مُهمة وفرحتني حتى لو بكلمة وفعل بسيط

أبتسم أحمد وعانقها قائلًا:دي أبسط حاجه ممكن أعملهالك انا لو عليا هعمل الأكتر لأنك تستاهلي كتير أوي

لحظات دامت مِن الصمت قطعه أحمد قائلًا:ريحتك مِسك يا مِسك

أتسعت أبتسامه مِسك قائلة:المِسك ميبقاش غير لـ المِسك يا أحمد
_____________________

كانت تجلس في غرفتها بعد أن هاتفها وطلب مِنها أن تنتظره لأنه يريدها في أمرٍ هام، لحظات وفُتِح الباب لتنظر هي إليه وتراه يدلف ينظر إليها مبتسمًا، أغلق الباب خلفه واقترب مِنها قائلًا:أتأخرت عليكي

أجابته بنبرة هادئة وقالت مبتسمة:دقيقتين يا اللي مواعيدك بتكون مظبوطة بالثانية

ضحك بخفة وقال:ما إحنا بره الشغل بقى انا دلوقتي مع مراتي

عقدت ذراعيها أمام صدرها ونظرت إليه نظرة ذات معنى وقالت:يعني خرجت وخدت رائد معاك وكمان أكل أيس كريم وجاب طقم شيك وسيبتني

أبتسم قائلًا:آه دا انتي غيرانة عشان رائد أتفسح وأنتِ لا

أبتسمت أبتسامه جانبيه وقالت:انا غيرانة .. لا طبعًا

نظر إليها ليل نظرة ذات معنى وقال:يا بت مش عليا دا انا حافظك أكتر مِن نفسك

لَم تجيبه ونظرت بعيدًا عن مرمى عينيه، أقترب هو مِنها أكثر وقف أمامها قائلًا بعد أن نظر إليها قليلًا:تعرفي إنك زي القمر دلوقتي ... الشياكة دي كلها وتبقي مكشرة كدا

ظّلت على مبدأها ولَم تتحدث لتتسع أبتسامته ويقول:طب على فكرة بقى انا عندي ليكي مفاجأة حلوة مش عايزه تشوفيها

أجابته قائلة:لا مش عايزه بعد اللي عملته دا

نظر إليها قليلًا وقال:دا انا ليل حبيبك

«قصدك لوح التلج عديم المشاعر» نطقت بها بسخرية ليبتسم هو قائلًا:مقبولة مِنك يا روحي

نظرت إليه نظرة ذات معنى ليقول هو:واللهِ عاملك مفاجأة حلوة أوي وخلّيني أستغل الشياكة اللي أنتِ فيها دي والحلاوة دي كلها وأوريكي اللي جايبهولك

زفرت بهدوء وقالت:ماشي يا ليل وريني

أخرج علبة مغلفة مِن الحقيبة التي تركها مؤخرًا على الأريكة ومَد يده بها إليها قائلًا:أفتحيها