بما إن أغلبكوا عايز ميعاد ثابت لـ نزول الفصل فـ إن شاء الله هيكونوا يومين الأربع والأحد دي مواعيدنا إن شاء الله وهتبقى ثابتة ولو منزلتش فـ يوم من اليومين دول هعرفكوا السبب وقتها
قراءة سعيدة ومتنساش الڤوت رجاءًا🦋
________________________
نظروا جميعهم إلى فرح بصدمة لـ يقول عز:هنعمل ايه حد يمنعها دا ليلته سودة النهاردة
ركض يزيد إليها ووقف يمنعها مِنّ الذهاب، توقفت فرح ونظرت إليه بتعجب وقالت:في ايه يا يزيد
يزيد بتوتر:لا لا مفيش حاجه انا بس كنت بسأل حضرتك رايحة فين كدا
فرح بتعجب:رايحة المطبخ!!!!
يزيد بتوتر:ما هو مينفعش دلوقتي خالص
فرح بتعجب:ليه يعني!!!!!!!
أزداد توتره ولكنه قال:عاملين كلنا إضراب النهاردة مِنُه
أخذت فرح نفسًا عميقًا ثم زفرته وقالت:يزيد ... انا مصدعة وعايزه أعمل قهوة بعد إذنك سيبني دلوقتي مش فاضية لـ الهزار والضحك
تركته وذهبت لـ ينظر هو إليهم بتوتر وخوف، دلفت فرح وشهقت بصدمة وهي تقول:عادل
فزع عادل وأبتعد عنّ مديحة التي شعرت بـ الصدمة لـ تتوتر كثيرًا، نظر عادل إلى والدته وقال بتوتر:أقسم بالله فاهمه غلط
فرح بصدمة:مع الشغالة يا عادل
صاح عادل فزعًا وهو يقول:والله أبدًا انتِ فاهمه غلط
فرح بقهرة:فاهمه غلط .. آه يا خيبتك يا فرح ... يا خيبتك في إبنك يا فرح
عادل:أقسم بالله فاهمه غلط يا جدعان حد يلحقني الله يخربيتكوا
دلف عز راكضًا وخلفُه هلال ويزيد وسعيد، نظر إليهم عادل وقال بـ أستنجاد:حد يلحقني الله يخربيتكوا هروح في داهية
تحدث عز بصدمة وهو يقول:آه يا حقير يا واطي .. مع الشغالة يا عادل إخس
صاح بهِ عادل كـ المجنون وهو يقول:انتَ بتقول ايه انتَ كمان الله يخربيتك
نظرت إليهم فرح وهي تقول بحسرة:اللي فـ دماغي صح مش كدا آه يا خيبتك يا فرح
تحدث هلال مُنقذًا لـ الموقف بقوله:لا يا عمتي الموضوع مش زي ما انتِ فاهمه كل ما في الموضوع إننا كنا بنلعب لعبة مع وعادل خسر ودا كان حُكم مش أكتر وبعدين إحنا بنهزر مع مديحة يعني وهي زي أختنا مش كدا ولا ايه يا مديحة
حركت مديحة رأسها برفق وهي تقول بنبرة خافتة ناظرة أرضًا:أيوه
نظرت إليهم فرح وهي تقول بترقب:يعني اللي في دماغي غلط
حركوا رؤوسهم برفق وهم ينظرون إليها لـ تزفر هي بـ راحة قائلة:الحمد لله
نظرت إلى عادل وقالت بحدة:كنت هتموتني عاجبك كدا
أنت تقرأ
احببتها ولكن ج7 "حرب الأعداء"
Acciónتأتيك الرياح من حيث لا تشتهي السفن، وتظن أنك قد نجوت ولكن عندما تشتدّ الرياح في يوم مشمس ولطيف تُيقن بـ أن النهاية لَم تنتهي بعد وأن هذا لم يكن سوى بداية لحرب قائمة لوقتٍ طويل
