احببتها ولكن ج7 "حرب الأعداء"

الفصل الثامن عشر (لأنكِ حبيبتي)

"أحيانًا يبكي فيك كل شيء إلا عينيك"

دوستويفسكي
____________

تقدم ليل رفقة روزي مِنّهم بهدوء وهو ينظر إليه بحزن فـ لَم يسبق لهُ وأن رأى جده في هذه الحالة المحزنة، نظر طه إلى روزي نظرة غاضبة لتُلاحظ روزي ذلك وتنظر إليه متعجبة

نظر ليل إلى أخيه طه الذي كان ينظر إلى زوجته وهو يعلم ما يدور داخل عقله الآن، نظر إلى روزي التي نظرت إليه كذلك وهي لا تفهم لِمَ ينظر إليها طه هكذا

تحدثت روزي وهي تنظر إليه قائلة بتساؤل:في ايه يا ليل هو طه بيبُصلي كدا ليه؟؟؟؟؟؟؟؟؟؟؟؟؟؟؟؟؟؟؟

نظر إليها ليل بهدوء ثم قال:مفيش حاجه

عقدت ما بين حاجبيها وهي غير مقتنعة بما يقوله زوجها وتشعر أن الأمر غير ذلك، تقدم ليل مِنّ أخيه ثم أمسك بـ ذراعه وسحبه خلفه دون أن يتحدث تحت نظرات روزي

وقف ليل في مكانٍ بعيد أمام أخيه وهو ينظر إليه قائلًا بنبرة حادة:في ايه مالك

نظر إليه طه وقال بغضب:على أساس إنك متعرفش يعني ... مش مراتك السبب يعني فـ اللي ماما فيه

جذبه ليل مِنّ قميصه وقال بنبرة غاضبة:طه ... دي مراتي ... دي روزي يا طه عارف يعني ايه

دفعه طه بعيدًا وهو يقول بغضب:ودي أُمي

صاح ليل بوجهه بنبرة غاضبة وهو يقول بتحذير:طــــه

صاح طه في المقابل بوجهه وهو يقول بغضب:ايــه هـتـضـربـنـي ... هـتـمـدّ إيـدك على أخـوك

أمسك ليل ذراعه وضغط عليه بعنف بقوله الغاضب:لا يا طه مش همدّ إيدي على راجل ... بس لساني قادر يسكتك ويعرفك انتَ بتتكلم على مين ومين اللي بتتهمها أتهام باطل ... آه مراتي بتعمل آكل لـ ماما بس مستحيل يا طه وحُط تحت مستحيل دي مليون خط إن مراتي تعمل حاجه زي دي أول سبب روزي مش كدا تاني سبب روزي مش هتأذي أُمي تحت أي مُسمى تالت سبب إن في طرف تالت وانا وانتَ عارفين كدا كويس ومتعمد يوقع مراتي رابع سبب روزي مراتي وانا عارفها كويس أوي إللي يخليها تخاف تقتل حشرة صغيرة هتخاف تأذي بني آدم خامس سبب يا طه يا أخويا إن روزي مبتخرجش غير بـ إذن مِنّي يعني انا مراتي تحت عيني على مدار الأربعة وعشرين ساعه .. قبل ما تتهم حدّ بالباطل يا طه فكر كويس مين اللي بتتهمه وهو ايه بعيدًا عن مراتي ... ربنا سترها معاك مرة والتانية التالتة لا ... وحظك وقع معايا وانا مش هعملك حاجه ومقدّر خوفك على أُمي بس حذاري يا طه تفكر تتهم مراتي انا بـ الذات حذاري المرة الجايه هتلاقي مِنّي ردّ فعل غبي ومش هيعجبك فـ أعقل كدا عشان منخسرش بعض تمام

نظر إليه طه وهو غير مقتنع بكل ذلك ليردف بنبرة حادة قائلًا:ويا ترى ثقتك العمياء فـ مراتك دي جايبها منين ... مش يمكن أصلًا تبقى مش كويسه وبتبان كويسه قدامك وانتَ أصلًا....