ငါကွာရှင်းချင်တယ် [ဘာသာပြန်]

[10]

{Unicode}

ကြမ်းပြင်ကအေးတယ်

ယဲ့ဖေး ခွန်အားအများကြီးမသုံးဘဲ တစ်နေရာတည်းကိုသာ ဝေ့ဝိုက်ထိတွေ့နေပြီး သူ့အထိအတွေ့များက လျှပ်စီးနှင့် မီးပွားများကိုသယ်ဆောင်လာသကဲ့သို့ ထိုနေရာမှတဆင့် ယန်ရှောင်း၏နှလုံးသားကို တိုက်ရိုက်ထိနေသည်။

ယန်ရှောင်းတစ်ကိုယ်လုံး တောင့်တင်းသွားကာ မသိစိတ်မှနေ၍ ယဲ့ဖေး၏ခြေကျင်းဝတ်ကို ဖမ်းဆွဲလိုက်သည်။

ယဲ့ဖေးမျက်ခုံးပင့်လိုက်ပြီး ဘာမှမပြောဘဲ တစ်ဖက်သူကို ဖမ်းကိုင်ခွင့်ပေးလိုက်သည်။

ယန်ရှောင်း အကြည့်များကိုအောက်ချလိုက်သည်။ သူ့လက်ဖဝါးထဲရှိ ခြေကျင်းဝတ်လေးဟာ ဖြူဖွေးသွယ်လျပြီး တောက်ပနေသော မနက်ခင်းနေရောင်ခြည်က ပါးလွှာသော အသားအရေပေါ်ကျရောက်နေကာ ထိခိုက်လွယ်သည့်အလှတစ်မျိုးကို ပေးစွမ်းနေ၍ သူ့နှလုံးသားကိုကဆုန်ပေါက်စေသည်။

"ယဲ့ဖေး" ယန်ရှောင်းကပြောသည်။ "ကိုယ့်အကြားအာရုံမှာ ပြဿနာမရှိဘူး, ပြီးတော့ တစ်ခြားဘယ်နေရာမှာမှလည်း ပြဿနာမရှိဘူး"

"Oh?" ယဲ့ဖေးသည် ပူပြင်းတောက်လောင်နေသော အကြည့်ဖြင့် သူ့ကိုအာရုံစိုက်ကြည့်၏။ သူ့နှုတ်ခမ်းများကို လျက်လိုက်ကာ နက်နဲသောအဓိပ္ပာယ်ဖြင့်ပြောသည်။ "ဘယ်သူသိမှာလဲ..."

ယန်ရှောင်းက မေ့နေသလိုမျိုး အခုထိ သူ့ခြေကျင်းဝတ်ကိုဆုပ်ကိုင်ထားသည်။ သူယဲ့ဖေးကို ခဏလောက်ကြည့်နေပြီး အတည်ပေါက်ပြောလာ၏။ "ကိုယ်ပြီးခဲ့လကပဲ ဆေးရုံကို ဆေးစစ်ဖို့သွားခဲ့တာ, ကိုယ်မင်းကို ဆေးစစ်ချက်စာရွက်ပြလို့ရတယ်"

ယဲ့ဖေး: "???"

ယဲ့ဖေး မျက်နှာပေါ်ကအပြုံးမှာ အေးခဲသွား၏။ သူ့လည်ချောင်းထဲတွင် သွေးဟောင်း*[၁]တစ်လုတ် ပျို့တက်လာသလို ခံစားလိုက်ရပြီး အသက်ရှုပါကြပ်လာသည်။ ယန်ရှောင်း၏ ဆုပ်ကိုင်ထားမှုမှ သူရုန်းထွက်လိုက်ကာ ဖန်ခွက်ထဲမှာ နွားနို့များအားလုံးကို သောက်လိုက်သည်။

— [၁] အလွန်အကျွံဒေါသထွက်တာကို ပြောတာပါ။

ချီးပဲ, သူက အရမ်းချောမောနေရက်သားနဲ့ ဘာလို့အဝါရောင်အတွေးတွေ*[၂] မရှိတာလဲ!