ငါကွာရှင်းချင်တယ် [ဘာသာပြန်]

[43]

{Unicode}

တစ်ရက်ကျရင် ဓားတစ်ချောင်းကိုင်ပြီး ကမ္ဘာပေါ်က
မယားကြောက်ခွေးမှန်သမျှကို သူသတ်ပစ်မယ်!

ချစ်သူထံမှ စိတ်ရင်းအတိုင်း ဖွင့်ဟပြောဆိုခံရခြင်းကို အထပ်ထပ်အခါခါ နားထောင်ရလျှင်လည်း ငြီးငွေ့သွားမည်မဟုတ်ပေ။ အဖေယဲ့၏ဖုန်းခေါ်ဆိုမှုကြောင့် စိတ်မကြည်မသာဖြစ်နေခဲ့သော ယဲ့ဖေးမှာ ချက်ချင်းပင် အသက်ဝင်နိုးကြားတက်ကြွလာခဲ့သည်။ သူသည် ယန်ရှောင်းကို အသစ်ရောက်လာသမျှ စမ်းဝတ်ကြည့်ခိုင်းပြီးမှ အင်တင်တင်ဖြင့် အိမ်ပြန်လာလိုက်သည်။

အိပ်ယာထက်လဲလျောင်းနေရင်း မလုံလောက်သေးဘူးဟုထင်သဖြင့် သူသည် ခဏလောက်တွေးဆပြီးနောက် Wechat ဂရုကိုဖွင့်ကာ ပျော်ရွှင်နေသောအီမိုဂျီတစ်ခုကိုပို့လိုက်သည်။

မိနစ်အနည်းငယ်ကြာသော် သူ့ကို '@' ခေါ်လာ၏။

၁၈၀မိနစ် ကုရွေ့ကျား: @မင်းရဲ့ဖေးကော ရုတ်တရက် ဘာထဖြစ်တာလဲ, မင်းနေမကောင်းဘူးမလား?

စွမ်းချုံးကအရမ်းချမ်းသာတယ်: မင်းကြိုက်တဲ့ လတ်လတ်ဆတ်ဆတ်အသားတုံးကို တွေ့ခဲ့တာလား?

ကျိုးမိသားစုရဲ့အသည်းလေး: လောင်စွမ်း, ကျေးဇူးပြုပြီးနိုးထတော့! ယဲ့ဖေးကအိမ်ထောင်သည်!

ယဲ့ဖေး ရယ်လိုက်ပြီးနောက် ကုတင်ဘေးကမီးအိမ်ကိုဖွင့်လိုက်ပြီး စာပြန်လိုက်သည်—

မင်းရဲ့ဖေးကော: အိမ်မှာပျင်းလို့ ဟော့ပေါ့သွားစားရင်း အပြန်မှာ Loewe(france brand) ကိုလည်းဝင်ခဲ့တယ်.

၁၈၀မိနစ် ကုရွေ့ကျား: ? ? ? အဲ့ဒါဘာပျော်စရာရှိလို့လဲ? ငါတို့လည်း ရောက်ဖူးတာပဲ.

ကျိုးမိသားစုရဲ့အသည်းလေး: အသစ်ရောက်လာတဲ့အထဲမှာ မိုက်တာတွေရှိတာလား? ဓာတ်ပုံပြ, ငါတို့လည်းကြည့်လို့ရအောင်.

ယဲ့ဖေး ခေါင်းအုံးတစ်လုံးယူကာ မှီထိုင်လိုက်သည်။

မင်းရဲ့ဖေးကော: ငါဒီတိုင်းပျော်ရုံပဲ.

မင်းရဲ့ဖေးကော: သာမန် Loewe စတိုင်တွေပါပဲ. ပြီးတော့ငါ့အတွက်ဝယ်တာမဟုတ်ဘူး ယန်ရှောင်းအတွက်ဝယ်တာ.