ငါကွာရှင်းချင်တယ် [ဘာသာပြန်]

[12]

{Unicode}

မင်းနို့နှစ်လွှာအချိုပွဲစားချင်လား?

"၂၀၁၀..." ချန်းမင်ဟောင်အံ့အားသင့်သွား၏။ "မင်းယဲ့ဖေးနဲ့ လွန်ခဲ့တဲ့၇နှစ်တည်းကဆုံခဲ့တာလား? မဖြစ်နိုင်တာ ငါဘာလို့မသိတာလဲ?"

လွန်ခဲ့သည့်၇နှစ်က သူတို့နှစ်ယောက်လုံးမှာ ကောလိပ်ကျောင်းတက်နေတုန်းပင်။ ချန်းမင်ဟောင်နှင့် ယန်ရှောင်းသည် မေဂျာတူသည့်အပြင် အခန်းဖော်များလည်းဖြစ်ကြသောကြောင့် အချိန်တိုင်းတူတူရှိခဲ့သည်ဟုဆိုလို့ရ၏။ ယန်ရှောင်းက ထူးခြားတဲ့အခြေအနေတစ်ခုကို ဖြတ်သန်းနေရလိမ့်လို့တော့ သူမမျှော်လင့်ထားခဲ့ပါ...

မဖြစ်နိုင်တာ!

ချန်းမင်ဟောင်၏စိတ်ထဲတွင် အလင်းတစ်ချက်ဖြတ်ပြေးသွားသည်။ "အဲ့ဒီနွေရာသီတုန်းက မင်းပြန်လာပြီးတော့ ရုတ်တရက်လုပ်ငန်းစလုပ်ချင်တယ် ပြောခဲ့တာ အဲ့တာက..." ချန်းမင်ဟောင်က ယန်ရှောင်းကိုကြည့်၍, "အဲ့တာကယဲ့ဖေးကြောင့်လား?"

ယန်ရှောင်းက အဖြေမပေးသော်လည်း သူ၏နှုတ်ဆိတ်နေမှုက လုံလုံလောက်လောက်ပြောပြနေ၏။

"အံ့ဩစရာမရှိတော့ပါဘူး" ချန်မင်းဟောင်က အသက်ပြင်းပြင်းရှုထုတ်သည်။

ထိုအချိန်တုန်းက ယန်ရှောင်းသည် နိုင်ငံတကာကျောင်းသားပရိုဂရမ်ပြိုင်ပွဲတွင် အဖွဲ့တစ်ဖွဲ့ကိုဦးဆောင်၍ နှစ်နှစ်ဆက်တိုက်ပါဝင်ယှဥ်ပြိုင်ခဲ့ပြီး နှစ်ကြိမ်လုံးအနိုင်ရခဲ့၍ သူတို့မေဂျာတွင် အတော်လေးလှုပ်လှုပ်ရွရွဖြစ်ခဲ့သည်။ သူတို့၏တက္ကသိုလ်သည်လည်း ပြိုင်ပွဲစတင်ကျင်းပတည်းက ဗိုလ်လုပွဲကိုအနိုင်ရသည့် တစ်ခုတည်းသော အာရှရှိတက္ကသိုလ်ဖြစ်လာခဲ့သည်။

၎င်းနောက် နိုင်ငံတကာရှိ နာမည်ကြီးကျော်ကြားသောနည်းပညာကုမ္ပဏီ အတော်များများက သူ့ကိုချဉ်းကပ်ရန်ကြိုးစားသော်လည်း ပါမောက္ခနှင့်ဆွေးနွေး၍ သူကအကုန်လုံးကိုငြင်းပယ်ခဲ့သည်။ သူသည် မည်သည့်အခါမှ လူမှုဆက်ဆံရေးကောင်းသောသူမဟုတ်ခဲ့ပေ၊ သာမန်လူများအတွက် လွယ်ကူသောအရာများက သူ့အတွက်ခက်ခဲသည်။