ငါကွာရှင်းချင်တယ် [ဘာသာပြန်]

[1]

{Unicode}

လာခဲ့ သားလေး ဖေဖေလို့ခေါ်

"အာ့ဖေး သူဘယ်လိုပဲ အမှားလုပ်ပါစေဦး မင်းရဲ့ ညီလေးပဲလေ ဒီတစ်ကြိမ်တော့ ကူညီလိုက်ပါ"

အဖေယ‌ဲ့သည် လက်ဖက်ရည်ခွက်ကို သူ့လက်ထဲ ယူလိုက်ပြီး ယဲ့ဖေး၏ မျက်လုံးများကို ကြည့်လိုက်သည်။ ထို့နောက် လေးလေးနက်နက်ဖြင့် "သူက ငယ်သေးတယ် အပြစ်ကင်းပြီး ရိုးရှင်းတဲ့ပင်ကိုစရိုက်ရှိတော့ အလွယ်တကူ အသုံးချခံရတာကို ခွင့်လွှတ်ပေးလို့ရတယ်. မင်းကြိုးစားပြီး အရင်းအနှီးငွေတွေ ပြန်ယူသင့်တယ်. ဘယ်လောက်ပဲဖြစ်ဖြစ် ပိုက်ဆံဆိုတာ ဖြုန်းတီးလို့မရဘူး"

အချိန်အားဖြင့် ညနေခင်းဖြစ်ပြီး တစ်ဖြေးဖြေး အမှောင်ဖက် သန်းလို့လာနေသည်။ အိမ်ထဲတွင်တော့ မီးရောင်များအား မထွန်းလင်းရသေးပေ။ ခပ်ဖျော့ဖျော့ တောက်ပနေသော နေလင်းတန်းများသည် အိမ်ရှေ့ခန်းရှိ ကြမ်းပြင်မှ မျက်နှာကြက်အထိ မြင့်မားသော ပြတင်းပေါက်မှတဆင့် ဝင်လာလျက် ဆိုဖာပေါ်တွင် ထိုင်နေသော လူငယ်ပေါ် ကျရောက်လျက်ရှိသည်။ လူငယ်သည် ရိုးရိုးရှင်းရှင်း အနက်ရောင်ဝတ်စုံပြည့်ကို ဝတ်ဆင်ထားပြီး သူ၏ ရှည်လျားသော နှာတံပေါ်တွင် ကိုင်းအထူမျက်မှန်တစ်စုံက နေရာယူထားသည်။ သူ၏ ဆံပင်များကိုလည်း အနောက်သို့ ဖြီး၍လှန်တင်ထားလျက် မျက်န‌ှာကို ထုတ်ဖော်ထားသည်။ သာမန်ညောင်ည ဝတ်စုံပြည့်နှင့် ဖြစ်ပါသော်လည်း သူနှင့်တော့ အလွန်‌ကြည့်ကောင်းနေသည်။ ထိုသူ၏ လှပသော မျက်နှာအသွင်အပြင်များက ၎င်း(ဝတ်စုံပြည့်)၏ တောဆန်မှုကို နှိပ်ကွပ်ထားကာ စည်းစိမ်ရှိရှိနေထိုင်ခြင်း၏ သဘောတရားကို အထက်တန်းဆန်စွာ ပြသနေသည်။

ယဲ့ယောင် သူ့ကို ဖျက်ခနဲ့ကြည့်ပြီး မနာလိုဝန်တိုမှုအား နှလုံးသားထဲတွင် ဖိနှိပ်ထား၍ သူ့နားသို့ နန့်တန့်တန့် ရွေ့သွားပြီး "ကော, ကူညီပေးပါနော်! ကျွန်တော် ကောရဲ့ စကားကို နားမထောင်ခဲ့တာ မဟုတ်ပါဘူး သူတို့ အစီအစဉ်က အလားအလာ အရမ်းကောင်းနေလို့ပါ. ကျွန်တော့် အပြစ်မဟုတ်ဘူး ကျွန်တော့်ကို အပြစ်မတင်နဲ့"