ငါကွာရှင်းချင်တယ် [ဘာသာပြန်]

[45]

{Unicode}

NSFW

"မင်းဒီဟာတွေတောင် ပြင်ဆင်ထားတာပဲ" ယဲ့ဖေး သူ၏ဖြူဖွေးဥနေသောလည်တိုင်ကို ဆန့်ကြည့်လိုက်သည်။ သူ့ပါးပြင်နှစ်ဖက်မှာ ချစ်ဇောဟုန်ပြင်းပြသည့်အနမ်းကြောင့် နီမြန်းနေ၏။ အပြုံးမျက်လုံးများဖြင့် သူ အသက်ပြင်းပြင်းရှူလိုက်ကာ, "ဥက္ကဌယန်က အတော်လေးမရိုးသားတာပဲ"

ယန်ရှောင်းမျက်လုံးများမှာ အချိန်အကြာကြီးဖိနှိပ်ထားခဲ့ရသောဆန္ဒဖြင့် တောက်လောင်နေခဲ့သည်။ သူ့လည်စေ့မှာ အပေါ်အောင်လှိမ့်သွားလျက် ယဲ့ဖေးခါးကိုသိမ်းဖက်လိုက်ရင်း သူ့ကိုတမင်တကာဆွနေသော ထိုပါးစပ်ကို ကြမ်းတမ်းမြွတ်သိပ်စွာနမ်းရှိုက်လိုက်သည်။

ယဲ့ဖေးနှုတ်ခမ်းများက အရှုံးမပေးပြန်လည်တိုက်ခိုက်နေသော်လည်း သူ့ခန္ဓာကိုယ်ကတော့ ရိုးသားနေခဲ့သည်။ အဆုံးသတ်တွင် သူ နွယ်ပင်လို ယန်ရှောင်းကိုရစ်ပတ်လိုက်ရင်း အရိုးမဲ့နေသည့်အလား သူ့လက်မောင်းများထဲတွင်ပျော့ခွေနေလိုက်သည်။ ပြုတ်ကျမည်ကိုစိုးသဖြင့် တစ်ဖက်ကလည်း ယန်ရှောင်းကိုမှီထားလိုက်သည်။

ယန်ရှောင်း၏ခန္ဓာကိုယ်ထဲတွင် မီးတောက်များ လောင်ကျွမ်းနေပုံရ၏၊ သူ့ထွက်သက်မှာ နွေးထွေးမှုနှင့် ခံစားချက်များဖြင့် လေးလံနေလျက်ရှိသည်။ ထို့နောက် အားအနည်းငယ်သုံး၍ ယဲ့ဖေးကိုအလျားလိုက်ချီလိုက်ကာ အိပ်ခန်းဆီသို့ ဦးတည်လိုက်သည်။

ယဲ့ဖေး သူ့ပခုံးကိုမြဲမြဲပွေ့ဖက်လိုက်ပြီး သူ့ခြေထောက်များမှာတော့ လေထဲတွင်တွဲလဲကျနေခဲ့သည်။

ပင်မအိပ်ခန်း၏တံခါးပိတ်သွားကာ နွေဦး၏မြင်ကွင်းကိုပိတ်ဆို့သွားလေသည်။

ပြီးသွားချိန်တွင် နေသည် ၎င်း၏ရောင်ခြည်များကို တဖြည်းဖြည်းဖြာထုတ်နေလေပြီ။ ဗီလာကိုဝန်းရံနေသော ပန်းပင်သစ်ပင်များကို အတော်လေးကောင်းမွန်စွာပြင်ဆင်ထားပြီး ကျည်ကျည်ကျာကျာငှက်သံများက အိမ်သူအိမ်သားများကို မည်သည့်အချိန်ရောက်ပြီဖြစ်ကြောင်းအား​ အသိပေးနေခဲ့သည်။