AIRLEYA

XXII

⚠️ Before you read this chapter, I remind all readers that this is the work of a novice writer. There may still be grammatical errors and typographical mistakes. Thank you for reading and supporting my story.

Chapter XXII

ISANG MALAKAS na sampal ang dumapo sa pisngi ni Airleya pagkapasok pa lamang niya sa opisina ng kanyang ama.

Ang mismong ama niyang si Count Ralphus ang sumampal sa kanya.

Napahawak siya sa namumulang pisngi habang dahan-dahang ibinaling ang tingin sa ama. Hindi niya maintindihan kung ano ang nagawa niyang kasalanan.

Sa likuran ng Count ay nakatayo si Lady Aghamora kasama ang tatlo nitong anak. Nakangisi ang mga ito, wari'y nagtatagumpay sa eksenang nasaksihan nila.

Kakauwi lamang ni Airleya mula sa bayan matapos nilang sugpuin ni Prince Teiran ang mga kalaban.

"My Ralphus..." malambing na sambit ni Lady Aghamora habang lumalapit sa Count at ipinaikot ang mga braso sa bisig nito. "Hindi mo kailangang umabot sa ganito. Ayos lang talaga ako. Pinapatawad ko na ang anak mo."

Naningkit ang mga mata ni Airleya.

May mali.

Hindi ito ang ama niyang kilala niya.

Isang posibilidad lamang ang agad na pumasok sa isip niya.

Manipulation Potion.

Habang wala siya...

May ginawa ang mag-iina sa kanyang ama.

"Pa..." mahinahon niyang tawag. "Pwede mo bang sabihin sa akin kung ano ang sinabi sa'yo ni Stepmother?"

Ngunit imbes na sagutin siya ng Count, malamig lamang itong tumingin sa kanya.

"Apologize to your mother, Saina."

Saglit na natigilan si Airleya.

Unti-unti niyang ibinaling ang tingin kay Lady Aghamora.

Pagkatapos ay ngumiti.

Napakunot naman ang noo ng apat.

"H-Hey! Anong nakakatawa?" singhal ni Charlestina. "Dad! Inaaway na naman kami ni Airleya! Parusahan n'yo siya!"

Muling itinaas ng Count ang kamay upang sampalin siya.

Ngunit sa pagkakataong ito...

Hindi na pumayag si Airleya.

"Spirit of Air, feathers and winds.

Your power animates all life

and populates all spaces.

I call you forth...

Take my father's consciousness.

In the ebb and flow of your eternal words—

Clarity.