AIRLEYA

XXIII

⚠️ Before you read this chapter, please remember that this story was written by a novice author. Although this chapter has been polished, there may still be minor errors. Thank you for reading and for your understanding.

Chapter XXIII

HINDI MAIPINTA ang mukha ni Gelal, ang panganay na anak ng Duke at Duchess ng Silverio, habang sapilitang isinasakay siya ng ama sa karwaheng patungo sa nayon kung saan naninirahan si Lady Aurora. Kasama niya ang dalawang nakababatang kapatid na sina Killian at Silver.

"Wala pa tayo sa destinasyon, ubos na agad ang energy ko," reklamo ni Gelal habang nakasandal sa upuan ng karwahe. Ilang beses pa itong nagmaktol na tila isang batang pinilit lumabas ng bahay.

Napailing na lamang si Silver.

Samantala, inirapan ni Killian ang kanyang kuya.

"Kailangan mo ring lumabas paminsan-minsan, kuya. Ikaw ang magiging susunod na Duke ng Silverio. Dapat alam mo ang kalagayan ng Agracia," ani Killian.

Mas lalong sumimangot si Gelal.

"At isa pa, ilang beses ko nang sinabi sa'yo... huwag mo akong tawaging 'Gel.' Apat na taon ang tanda ko sa'yo, Killian."

Bahagyang napaangat ang balikat ni Killian.

"Patawad, kuya."

"'Patawad.' Iyan na lang palagi ang sinasabi mo. Kung may sama ka ng loob sa akin, sabihin mo nang diretso. Huwag mo akong ginaganyan."

Tahimik lamang si Killian.

Napansin iyon ni Silver. Halata ang malamig na tensiyon sa pagitan ng dalawa, ngunit hindi niya alam kung saan nagsimula ang alitan nila.

Hindi na siya nagsalita.

Pagdating nila sa tahanan nina Lady Aurora, nanatili pa rin ang mabigat na atmospera sa pagitan ng magkapatid.

Habang abala sina Gelal at Killian sa kani-kanilang katahimikan, masayang nakipagkuwentuhan si Silver kay Willow, ang ikaapat sa limang anak nina Lady Aurora at Lord Ronan Rotacio.

Ang panganay na kambal ay sina Obssian at Ossian, kapwa dalawampu't limang taong gulang. Sumunod si Koen na labinsiyam, si Willow na labing-anim, at ang bunso nilang si Aeveny na sampung taong gulang.

Si Willow lamang ang nagmana ng pambihirang kakayahan ng kanyang ina.

Hindi pa man natatapos ang kanilang pag-uusap ay biglang sumulpot ang ilang assassin.

Sa isang iglap, mabilis na hinarangan ni Silver ang pamilyang Rotacio.

Isang malakas na pagsabog ang yumanig sa paligid.

Napatulala ang buong pamilya habang unti-unting gumuho ang kanilang tahanan sa harap ng kanilang mga mata.

Kung ilang beses na silang pinagbantaan noon, ngayon ay tuluyan nang isinakatuparan ng mga salarin ang kanilang balak.

"Sumama na po kayo sa amin papuntang Briarlaine," mahinahong saad ni Silver. "Ipinasabi po ni Leya na doon muna kayo manatili. Alam niyang may nagbabanta sa inyong buhay."