AIRLEYA

XXVI

⚠️ Before you read this chapter, please remember that this story is written by a novice author. Although this chapter has been polished, there may still be minor grammatical or typographical errors. Thank you for reading and for your understanding.

Chapter XXVI (Part I)

HUMINGA nang malalim si Airleya habang marahang umaandar ang karwaheng sinasakyan niya patungo sa Imperial Banquet Hall.

Ngayong gabi ay ipinagdiriwang ng buong Imperyo ang patuloy na pag-unlad ng ekonomiya at ang kapayapaang tinatamasa ng Agracia. Hindi lamang ang mga maharlika ang nakikibahagi sa kasiyahan, kundi maging ang mga karaniwang mamamayan sa labas ng palasyo.

Ngunit para kay Airleya...

May iba siyang dahilan kung bakit siya naroon.

Hindi alam ng kanyang ama na ngayon ang kanyang pagbabalik matapos ang tatlong taong pangangaso ng mga halimaw.

At wala siyang balak na gawing tahimik ang kanyang pagdating.

Kung babalik man ako... dapat memorable.

Ngunit hindi niya inaasahang may makakasabay pala siyang mang-agaw ng atensyon.

Unti-unting huminto ang karwahe sa harap ng banquet hall.

Aakalaing ang kutsero ang magbubukas ng pinto.

Ngunit nang bumukas iyon...

"...Kaan?"

Nanlaki ang mga mata ni Airleya.

Isang matangkad na binata ang nakatayo sa harap niya, may nakangiting mukha habang nakalahad ang isang kamay.

"Long time no see, Ate Leya."

Hindi na napigilan ni Airleya ang sarili.

Mabilis siyang bumaba ng karwahe at mahigpit na niyakap ang binata.

"My goooood!"

Bahagya niyang inilayo si Kaan upang mapagmasdan ito.

"Ang gwapo-gwapo mo!"

"Kahit naka-lights off ka, gwapo ka pa rin!"

Napatawa si Kaan.

Samantalang si Airleya ay hindi mapigilang kiligin.

"Naku..."

"Paano na 'yan?"

"Sigurado akong mas lalo nang maglalaway si Willow kapag nakita ka."

Napahagikgik siya.

"Iniisip ko pa lang ang magiging reaksyon niya, natatawa na ako."

Napangiwi si Kaan habang pinipisil ni Airleya ang magkabilang pisngi niya.

"Kailan ka pa dumating?"

Habang nagtatanong ay inaayos na rin ni Airleya ang kuwelyo at balikat ng suot nitong pormal na kasuotan.

"Ngayon lang."