•• ســلـام عـلـيـكـم
• الجنون أنواع ...
وأشدهم جنون الحب ..
فماذا لو كان رجلٌ مجنونا بكِ بتفاصيلك وأصغر مافيكِ
قال : جنوني بكِ ما هو إلا بداية تعبر عن ما بداخلي
فـ الله وحده من يعلم ما بداخلي »
« كبُوتُ مشاعري لا يعلمه إلا خالقي »
« عندما أَنظر...
بدات تفتح عينيها ومزالت نفس ديك دوخة حاكمتها ضو كان قاااوي مخلاهاش تفتح عينيها لي كان فوقها صاطع مباشرة ... بدات شوية شوية تفتح فيهم حتى وضاحت صورة .. وشافت الغرفة البيضاء كلشي ابيض حتى حست روحها في مكان منعدم من الحياة لدرجة حتى مقبض الباب أبيض سريرها أبيض كلشيييي ابيض حتى علاقة سيروم بيضاء ... و بلاستيك تاع سيروم ابيض ... تقولو واش هدي المبالغة و علاه راهم يديرو هكا
هناك العديد من طرق باش تثبت شي في عقل انسان منها مفجأة عقلها تفاجئ من تفاصيل هادي ودرجة تدقيق حتى كلش ابيض ... علاه هادشي كامل علاه مدروش الوان اخرى أ....
مجات تكمل فكرتها وحوارها داخلي مع نفسها حتى تفتح الباب ودخلت بنت اخرى بشرتها سوداء بملابس بيضاء كذالك ..
أول شي قدرت تنطق بيه بصوتها ضعيف لي يادوب تسمع
عـائشة : وين راني ؟!
قابلها سكات لمحت في يديها ثياب وكانت داخل ساشي قربت ليها البنت .. وجبدت ثياب لي كانت كذالك بيضاء تماما
شافت فيها عائشة والاستغراب بادي على ملامحها
عائشة : واش راح تديري
غير شافتها قربت لحوايجها بلخف بعدت ... كانت لابسة فستان في لون زهري تبدل لونو من تراب ووين كانت محطوطة
ثوبها كان هو الفاصل بين أنها تغوص في هاد العالم لي حطوها فيه .. ثوبها كان شي الملون الوحيد ...
كانت عائشة حاليا هي منبع الحياة ... وفي هدي لحظة المنبع راح يتغلق
جردتها من ثوبها او بلأحرى جردتها من الحياة ومن ألوانها كي شافتها غير تفرفط حتى ويدها محكومة عيطت لواحد من لي كانو برا دخل شاف عائشة مزالت تعيط وتبعد في هديك
قرب ليها وبدووون ولا كلمة وحدة رفد يدو للفوق وهبطها على خدها رجعولها حمر خاصة وهي بيضة البشرة خرج فيها عينيه لي كانو غير هوما باينين .. تم برك سكتت ومهدرتش ودموع طايحين من عينيها لي كانو برك موجهين ومثبتين على خوها ...
بعد مدة قصيرة كملت لبستلها ونظفتها مليييح
وعاودت بدلتلها سيروم واحد آخر ....
وخرجت وخلاتها ..
قعدت عائشة غير تشوف حواليها ماشي عارفة كيفاش تتصرف ولا حتى واش دير حتى شافتو بدا يتحرك بقات مصنمة فقط متحركتش رمشة عين ومدارتهاش حتى لقاتو فاتح عينيه في سقف لمدة
بسيف حكمت شجاعتها ونطقت بصوت خافت
عـائشة : مـاجـد !!
تم كي نطقت باش قدر يحرك راسو ودار ليها بعينيها متسعين
ريقو ناشف وخصو يشرب لما .. وهكاك بقى لخمس دقايق يجرب ينطق حتى قدر يهدر
ماجد : وين رانا ! وين بابا ماما !
مالقتش واش تقول ولا واش دير وخوها هذا وين فطن من عملية .. بصح لازم تهدر
