#الحلقة74
🕊️ _الفصل الثاني:
-"وما بعد سهوة وجدت توبة دفينة في عمق الغفلة "-
___________
هكاك بقى يخزر فيها بهدوووء وهو مستمع بلألم تاعها وصوت لعياط تاعها لانو عارف شي واحد داخل عقلو مور هاد لعياط ولبكى راح تتبدل وراح تكون كيما راه باغيها هو .. تكون تاعو برك وليه وتتصرف كيما باغيها هو .. هكا كان حابها من وقت لي زادت
وين وقتها كان مجرد ممرضة مساعد و كان هذاك نهار ممرض الوحيد المتوفر مع ليل كل ممرض بواش متكفل وهو كان فترة استراحة قبل ما يكمل خدمتو
تم وين عيطولو يعاون دكتورة نسائية خاصة بتوليد
حضر وعاون الام لي لاحظ كيفاش مكانتش باغية كاامل تولد الاولاد وبصعوووبة ولدت طفل الاول وتم وين عرف بلي عندها توأم .. وطفلة طولت باش تولدها وكي تولدت كان الحبل السري داير على رقبتها غالق عليها نفس حتى بلخف قطعو وجبدها لحظنو داير الاستعافات الأولية وتم تطلقت اول صراخ من فمها ومن اول صرخة بغاها وبما انو كان ناقصها لهوا ... ضطرو يحطوها بعيد على خوها ويديرولها لاكسجين
وتم كان طوال ديك الفترة هو لي يعس فيها ويتهلا فيها مخلا حتى واحد يقرب ليها حتى باباها كي بغى يشوفها قالها راهي داخل القرعة وكذب عليه ! حتى انو وقتها كان يخمم يخطفها ويديها ليه هو برك سيرتو وقت شاف يماها لي يعطيهالها ترضعها بسيف وعائشة وقتها كي كانت ترضع من شدة حقد الام وبلي كانت ترضع بسيف طفلة يجوز ساعة بتمام تعاود ترجعو وتردو كامل حتى ضظرو يعطولها حليب غير حليب الام
لذالك يوم عن يوم كان يزيد كرهو ليمات عائشة وكان قطع وعد لعمرو راح يكرهها فيهم ..
اما عن فؤاد كي لاحظ لهفتو وشوقو لبنتو كرهو كرهو كي شافو يبغيها !!!
واليوووم جاتو الفرصة يخليها تكره والديها وخليها تبغيييه هي برك ومستحيييل يضيعها من يديه ..
قرب ليها عند حد وذنيها وكيما شيطان لي يوسوس في وذن المؤمن بالله نطق كلماتو السامة
جواد : يماك كي كنتي رضيعة مكانتش تبغي ترضعك وكي نعطوها ترضعك من شدة حقدها حليبها ومكانش يبقى في كرشك لساعتين ..
كانت تكرهك لدرجة حتى باش تخرجي من بطنها محبت تخرجك تكرهك لدرجة وجهك كي خرجتي من كرشها بلا صوت مسقساتش عليك
تكرهك لدرجة معنقاتكش ومشمتش ريحتك .. يماك تكرهك عائشة كرهيها نتي تان .. باباك مهدرش معاها باش تحبك وباش ترفدك وباش ترضعك خلاها دير كيما تبغي وسكت قعد يتابع بصمت شديييييد .. لازم تكرهيهم.. وخاوتك هههه وجودولهم بييييت كبيييرة فيها العاب نتي مكانش عندك غرفة خاصة بيك وبخوك كنت ترقدو على الارض في صالو ياك ..
نتي منبوووذذذةةة عائشة نتي ميبغووووكش
بقات تحرك في راسها بهستيرية ..وتبكي بصوت تقشعر له الابدان .. بشهقات طويييلة كأنو الروح راح تخرج وتطلع لباريئها ... الحزن لي غمر فؤادها والهم لي هجم على قلبها ميعلم بيه غير لي خلقها
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
