#الحلقة67
#الفصل_ الثاني🕊️:
"وما بعد سهوة وجدت توبة دفينة في عمق الغفلة "
___________
قاطع سهوتها في الفيديو تليفونها لي كان يصوني ...
رفدت عليه وبقات ساكتة فقط يستمع من جهتها غير صوت لجاج وصوت ريح ومن جهتو كان صوتو تنفسو الهايج!
نطق بصوتو الحاد كاسر حلقة الصمت لي كانو داخلها
جنيد : وين راكي ؟! حوست عليك في داركم.. خدمتك ... مكاشك كامل
خذات شهيق ... وردت عليه
عائشة : راني في بلاصة نريح فيها
جنيد : ايه فهمت نسحق عنوانها ؟
عائشة : كي قلت نريح فيها معنتها منحب حتى واحد يعرف وين راني
رد عليها ببرود وجمود غلف نبرتو
جنيد : صحا
وكوبا عليها ... بقات للحظات غير تشوف في تليفون ماشي مستوعبة بلي هو غلق في وجهها
حتى قلبت عينيها وبدات تمتم
" بجايح .. تافه ... حاشة واش يكون حيوان"
كون يسمعها هو واش قالت عليه ....
ناضت من بلاصتها لبست في رجلها وخرجت وغلقت لباب وراها .. وطريقها كانت لحصانها وين نحاتلو رباط تاعو وبدات تتمشى بيه في انحاء الغابة ________
في جهة اخرى عندو هو لي غير كوبا عليها
بلخف جبد لبيسي تاعو لي كان فوق لاكوموند لي كانت جنب سرير
دخل لواحد موقع كان ديجا داخل فيه قبل
وكتب رقم تاعها ثواني قليلة حتى خرجلو موقعها محدد على GPS
تبسم بخباثة ..
ونطق بصوتو اللعوب
جنيد : هانا لقيناك درك نشوفو الراحة على اصولها
بلخف كأنو وقت راح يهرب ولا هي تان راح تهرب ..
خذا دوش تاعو وفطر فطورو ولبس وخرج وفي يدو لبيسي تاعو مع تليفون ومفتاح دار طونوبيل
هبط لتحت وديمارا للموقع تاعها !!!!
_____ عند ماجد وين بعدما وصلها رجع ادراجو وكانت طريقة واضحة ومرسومة المستشفى ..
نص ساعة وكان لحق ليه ڨارا طنوبيل في بلاصتها ودخل كانت الرجولة تفوح منو شكلا ومضمونا .. إسمرار بشرتو وحدة لملامح تاعو يخليك تنجذب ليه تلقائيا ناهيك على كي تبدا تحكي معاه ويجذبك الكلام تاعو تم يولي ماجد شخصية غير قابلة لتجاوز واذا تجاوزت ماجد يعني نتا شخص متعرفش للعباد بحق ....
راح للاستقبال وين كان فيها شاب في مقتبل العمر ..
ماجد : ممرضة احلام كاينة !؟
استقبال : احلام عياش .. وي تلقاها في غرفة 107 طابق ثاني
---------
ركب قي المصعد وطلع لطابق ثاني
بقى يتمشى ويشوف في ارقام لبيبان حتى لقاها خارجة من شومبرة و معاها ممرض اخر يشوف فيها تضحك معاه وهو مرة على مرة يحط يدو على يدها كي يكونو يحكو وهي ماشي فايقة ...
حواجبو لي كانو مرخين ويبنو بلي راه مهدن في ظرف ثواني معدودة تعقدو كي شاف داك لمنظر بقى حابس واقف في نص طريق وكي قريب يلحقو ليه تم طلعو راسهم لزوج ... اما عندها هي لي عينيها تفيكساو من عينيه وتم تلقائيا فاقت بيد لممرض لي كانت فوق يدها ... بعدتها عليه بزربة ..
احلام : ماجد !
ماجد : ايييه ماجد مدومزال احلام امشي قدامي عندي هدرة معاك ...
بقات تشوف فيه مصدومة .. بزاف اسئلة في راسها طاحو في هاد دقيقة .. " واش جابو لهنا٫ وعلاه جا ليها ٫ واسكو جا ليها هي بلضبط ! "
نطق ممرض هذاك كي شافها ساكتة
ممرض : سمحلي الاخ بصح شكون نتا حتى تهدر معاها هكا !!!
شاف فيه ماجد من فوق لتحت بشوفة تاع شكون نتا باش نطقك ؟!
قدم بدون مقدمات تذكر شدها من يدها وجبدها ومشاها معاه مخلي هذاك غير يخزر
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
