#الحلقة54
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بقاو لثواني قلال شوف فيا نشوف فيك حتى قرر هو يتكلم لانو على حساب حالتها مستحيل تنطق كلمة من داك الفم ...
ماجد : وش ديري هنا تخدمي ؟!
احلام : يعنييي ؛ راني ندير سطاج حاليا ..
ماجد : ايييه ربي يقدرك
احلام : احم ونتا !
ماجد : عائشة دارت اكسيدو دك شوية كنت معاها
بصدمة احلام : عائشة دارت اكسيدو اخااه وقتاه ؟!
ماجد : اليوم برك عندهم كاش 2سوايع من لي جابوها دك راهي راقدة
احلام : والله مكان عمبالي دك سمعت منك !
ماجد : مكاش شكون يقوللكم باينة ! ابار صا راهي حمد الله تكسرت وشوية جروح
احلام: حمد الله لي خرجتلها سلامات هكدا ولا كثر .. دك نعيط البنات نقوللهم
ماجد : خلي غدوة وعيطيلهم كل وحدة وين تسكن وكلينيك شوية بعيد كيما راكي تشوفي ميجو يوصلو لليل وكدا سما مكلاه لغدوة وعيطي
احلام : صح عندك الحق انا باش نوصل لدار نلحق مع ظلمة
ماجد : وكيفاش ترجعي لدار ؟!
احلام : كل مرة وكيفاش مرات بابا ولا خويا يجيبوني ومرات ندي طاكسي
ماجد : معليش هدي هي القراية لازم فيها شقى وتعب
احلام : صح حتى حاجة متجي بساهل
بقاو ساكتين للحظات حتى وقفت هي وتكلمت معاه والبسمة مزينة وجهها
احلام : المهم انا نخليك .. الخدمة تستنى فيا منبعد هانا نتلاقاو ان شاء الله
وقف حتى هو شاد قهوتو بين يديه !
وتبسم معاها ..
ماجد : في أمان الله احلام معريفة خير
قبل ما دور وتعطيه بظهر روشتلو باي بيدها وهدرت
احلام : بإذن الله
وراحت لعند المجموعة لي كانت قاعدة معاهم وشدت في يد منيرة لي كانت ديجا تستنى فيها
منيرة : يوو تعرفيه احلام ختي عرفيني عليه باغية ندير لمستقبل معاه
دارت ليها احلام بواحد شوفة ونطقت بلهجة معمبالهاش كامل منين خرجتها
احلام : شاولا عاودي عاودي نعرفك عليه وواش تان ديري مستقبل معاه !
منيرة : علاه عيب ياخي نتي اصلن متبغيش زواج في عمرك هدا وانا ياختي نبغي نتزوج زواج نصف دين
احلام : امشي تشو قدامي قبلما نتحول عليك
سكتت كتيرة كي شافت احلام صح بدات تتقلق وكي تتقلق احلام غير بعد من طريقها باسكو تنسى اصلن بلي راها في سبيطار وبلاصة لازم يكون فيها لكالم
اما هو راح ركب وديمارا راجع لدار يطمنهم عليها ولازم عليه يقوللهم زيارة خلاصت ولا هذاك لي راهو عندها يحاوزهم بلا حشمة .. وهذا شئ لي راه متاكد منوو
___
في دار عائشة
كانو عيطو لهديل لخدمتها وين تخدم حانوت كبير مختص يبيع الورد بكل اشكالو وانواعو كان عبارة عن كأنو سوبيراات كبيرة .. وكان متميز انو يخدمو فيه غير نسا برك
وفي كل جهة تلقى بائعة تاع ورد مع نوع آخر
تخايلو فقط مكان تلقاو فيه اي نوع تاع ورد عاشقو قلبكم ..
هدي هي هديل انسانة عاشقة ومحبة للورود
مدة طريق وكانت وصلت للحانوت غير دخلت ياقبلك كذالك مجموعة من الورود من جهتين وفي لوسط طريق ... وقدام لباب تاع دخلة كاين زوج بوديڨارد يحرسوه ..
دخلت لعندهم وابتسامتها محليتها كانت هي الوردة لحقيقة في مشتلها .. لانو فقط هي لي كانت دايرة حجاب شرعي مع قفزات ونقابها كذالك
هاد الالتزام تاعها بقد ما كان صعيب في بلد اجنبي رقد معطاها راحة كبيرة وهبة خاصة قدام الناس
قابلة البنت الخاصة بلاستقبال
هديل : غير ليسا وش كاين ؟!
#يتبع
أنت تقرأ
عندما أحب بجنون
Fiction Historique•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
