#الحلقة66
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
الحياة البدوية او الحياة الريفية قليل لي يعرفلها وين تنوضي على صوت لجاج
ولي تاكلي بيض تاعو طبيعي ووين تشربي حليب البقر او الماعز حليب طبيعي بدون اي اضافات
وين كي تاخذي شهيق تاعك يكون من هوا نظيف ماشي كلو دخان سيارات ومصانع!
حياة ريف اجمل بالف مرة من حياة المدينة ..
لذالك كانت وقت تحس بلضغط... تعب او اي شئ سلبي تحس بيه تجي لهنا
هاد المكان لي يخليها تحس بلامان والسلام لي طول عمرها وهي تسعى ليهم
🕊️🕊️🕊️🕊️🕊️🕊️
بعدما خرجت من بيت دجاج رجعت لدار
خرجت طماطم قطعتها قطع ..وجبدت مقلة حطت شوية زيت ودارتها على نار .. وين كي سخنت زيت حطت طماطم لي بعد مدة طابت كسرت فوقها ثلاث بيضات وغطات عليهم لمدة قليلة رفدت لغطا وجبدت قطع فورماج مبشور حطتهم من فوق وزادت شوية قطعات صغيرة من فرماج طليّ ورجعت حطت لغطا
وين بعد عشر ثواني طفات على نار وحضرت اجمل فطور بلنسبة ليها كان لفورماج ذايب ذوبان
وجدت خبز لي كان مخبوز في فرن على الفحم !
وجبدت عصير برتقال طبيعي كانو حضروه سابقا قبل ما تجي
حطت كلش في صينية ... بعدها جابت غطا
وخرجت عند لباب قدام شجرة ليمون فرشاتو قدام حصانها لي كان قريب ليها وين ديجا حطلو ماجد ماكلة ولما قبل ما يروح
ورجعت لدار جابت كامل لماكلة وزادت جابت حاسوبها
وين بيه طلقت فيلم كوميدي تشوف فيه وتاكل
وهي تضحك من قلبها وعلى راحة لي راهي حاسة بيها
بصح اسكو راحة دايمن تدوم ...
"اذا أحب الله عبدا ابتلاه"
هذي هي الجملة لي بزاااف نسمعوها ولي تجينا خصيصا وقت نكونو في مصيبة ! ولي تخلي الاغلبية يصبرو لانو بعد صبر يأتي الفرج
الفرج لي متعرفش كامل كيفاش يكون !
كانت هدي الجملة هي لي خرجتلها من فوق الشاشة كإشعار على فيديو جديد من قناة دينية .. كانت في واحد وقت دارتلها متابعة ..
لفضول لي كان فيها خلاها تخرج من الفيلم تاعها ودخلت ليه ...
كان الفيديو عبارة عن إمرأة متحجبة في رعيان شبابها
النور خارج من وجهها والابتسامة لي كانت مزينة وجهها تلقائيا خلات عائشة تتبسم
نطقت المتحدثة
" سلام عليكم .. اسعدكم الله ونور لكم دربكم .. "
كانت افتتاحية الفيديو بقد ما هي بسيطة بقد ما تخطف الابصار خاصة مع عنوان الفيديو لي جذبها من الاول بشكل خاص
" اذا أحب الله عبدا إبتلاه"
"بلنسبة للأشخاص الجدد مرحبا بكم كذالك .. انا اسمي خديجة وهو اسم صراحة افتخر به وهو اسم لاحدى زوجات نبي محمد صلى الله عليه وسلم ( لذالك صلو على النبي)
عمري 24 سنة .. ختاما لكلامي تعريفي سأقول لكم مرحبا بكم في عالمي الاسلامي .. قناتي ماهي ولا شيء هي فقط عالم راح ننشر فيه على اسلامنا عن عقديتنا عن انبيائنا عن قرآننا لذالك تابعو معي ولنأخذ الاجر سويا أحبائي ...
عنوان الفيديو عارفة انو جذب العديد منكم لانو مافي ولا شخص مش مبتلي .. والابتلاء انواع ..
مرض٫وباء٫ ألم ٫شجار ٫حزن٫ دمار ٫حرب ...
#يتبع
نسقسيكم انا وش هو نوع ابتلائكم ؟!
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
