#الحلقة45
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
دخل جواد هكاك يشوف فيهم كيفاش راهم يضحكو مع بعضهم ... شافو فيهم لزوج ..
جنيد في ظرف ثانية فقط تبدلت خليقتو كامل
ولا يشوف في جواد بوجه بارد تماما
اما عائشة الاستغراب صدمة والبرود لانو غير شافتو تفكرت واش شافت منوو ليامات لخرين ..
قرب ليها وبقى زعما يخزر في جنيد يستنى فيه ينوض
وهو دار فيها لسقة صح صح مبغاش يتحرك كامل يدو لي مزالت حاكمة يد عائشة وهي لخرا مفاقتش حتى كي شافت نظر جواد مثبت على يديهم باش نتبهت وكي جات تجبد يدها عليه زير على يدها وبقى يستنى فيها طلع راسها ليه !
بقاو يخزر فيهم بعضاهم ناسييين تماما هذاك لي واقف وقريب يهجم على جنيد
طلع حاجبو فيها تاع مكلاه تنحي يدك
ولات خلاتها وهي تتأفاف
وشافت في جواد
نطقت بصوتها لي مبحوح
عائشة : جواد جيت !
جواد : وكيفاش نقدر نخليك وكلش صرا قدام عينيا .. كيفاش حاسة روحك ؟!
عائشة : الحمد الله اصلن لانستيزي مزال مراحتلي دك منعرف
جواد : معليش كي تروح ساهل وانا نعاودلك كامل الفحوصات
هنا تكلم جنيد لي مقدرش يسيطر على روحو
جنيد : تعاودهم علاه ؟! دمها سايب باش تبقى كل مرة تنحي منها
جواد : هدي خدمتي وانا نعرف خير منك بلوووس انا طبيب تاعها مدبرش عليا
جنيد : لالا سمحلي طبيب شافها قال راهي مليحة .. وندبر عليك لحياة ماهيش رخيسة ياك ! سيرتوووو حياااتها
جواد : يرحم والديك منعرفش منين جيت ومنين تسلطت عليا اسكتتت انا طبيب تاعها من عواااام قبل حتى متظهر نتا سما خليني ساكت انا نعرف وش لي بيها ووش لي مبيهاش
كل هذا وهي مكسلة قدامهم وحاطة كف يدها على خدها وتشوف فيهم
حتى نطقت بهدوء كاسرة صراع لي كان بيناتهم
عائشة : جواد وين كنت قبل ؟!
شاف فيه والاستغراب باين عليه
جواد : كيفاش كنت في دار على بيها شفت الحادث
عائشة : ايه انا تان كنت شفتم قبل لاكسيدو
تم ض ربت طننننننن في راسو ... تاع شافتو
جواد : ماشي لي في بالك عائشة .. فهمتي .. مجرد مريضة جات ليا لدار كي كانت قريبة ليا .. وهدي آخر مرة تصرا
عائشة : اول ولا آخر مرة من اليوم ميهمنيش وكيما كنا نحكو قبل
طول حديثهم كان شاد تليفون في يد يرد على الايمايلات تاعو ويد اخرى مزال شاد يدها ومزير عليها بلضغط لي راه يحسو من كلامهم
حست بيه وتوجعت وقدما بغات تبعد يدها مبغاش ..
عائشة : مهم جواد تعيش بغيت نريح .. كي يعطوني تسريح تم نروح لدار واروح دير كامل الفحوصات !
بقى غير يخزر فيها وراح ولقلق وتعصيب باين منو ..
شاف فيها جنيد بملامح هادية ...
جنيد : عائشة شكون هو جواد بلنسبة ليك ؟!
بقات تشوف بهدووء ماشي قادرة تهدر وماشي لاقية واش تقول
عائشة : جنيد انا عشت بزااف صوالح عيانين في حياتي صوالح منبغيش نقوللهم لناس .. بالك يجي نهار نقولك عليهم مي ماشي دوك .. نقدر نقولك برك جواد ليا هو بنادم ساندة روحي عليه وهو بئر اسراري
حل عينيه في عينيها كي قالتلو بئر اسراري وساندة روحي عليه ..
زير على يدها وقرب ليه حتى نفسو ضرب في وجهها
جنيد : اذا كان هو في يوم رجعتيه هكاك .. انا نكون روح و الحياة عائشة نكون النفس ودقة القلب... فهمني !
#يتبع
أنت تقرأ
عندما أحب بجنون
Fiksi Sejarah•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
