#الحلقة24
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بعد مدة كملت أكل تاعها وغسلت ماعنها.. وخرجت عندهم تذبل في عينيها كان اصلن وصل ليل .. شافت في ساعة وقت لقاتها 1 تاع ليل كمشت ملامح وجهها بطفولية
دخلت لعندهم غير من لباب وتكلمت معاهم وهي تتظاهر بلغضب
عائشة : راح نرقد بالكو كاش واحد يقلقني
سكتو واحد مرد عليها وحتى هي بلخف طلعت تجري لغرفتها غلقتها بلمفتاح ورفدت تليفون .. كي شافت زوج مكالماات منو مسحتهم كأنو مشافتهمش وعيطت لكوثر
عائشة : وين راكي ! ... صاي اني خارجة دك .. ياخي حفلة غير في دار سور !؟ ... صحا دك نلبس
دخلت لدريسينڨ روم وهي عبارة عن غرفة داخل غرفتها محطوط فيها فقط ثيابها واي شي يتعلق بيها
جبدت غوب سوداء بحزام أبيض .. جات تلبسهم حتى بقات لمدة تشوف فيهم وبلا ما تفيق يديها بداو يترعدو
بلخف كمشتهم ورماتهم في بوبال حتى ومكفاتش قعدت غير تدخل فيهم بزووور ..
عاودت رجعت وجبدت فستان آخر في لون الاصفر صيفي كان طويل وفيه زوج شلقات من جنب رجليها
لبساتو جاها على لاطاي تاعها مبين تفاصيل الجسم تاعها !!
طلقت شعرها ودارتلو ريحة الخاصة بيه ولي كانت في نفس لوقت تعطيه لمعان شباب بزاف
خرجت وتقابلت مع مرايتها .. وبدات تجبد واش تسحق من ميكاب
عائشة من نوع لي يهتم بزااااف بلمظهر تاعو .. لباس مكياج كلشييي من عنايةة انسانة حريصة في هاد الامور
دارت كحل أسود داخل عينيها وجبدته قلم أصفر تاع أيلاينر وجبدت عينيها بانو بزاف شابين كأنهم " عيون القطة "
دارت أحمر شفاه بااارد في لون الوردي ... وزادت لبلوش..هيليتر... واخر شي مسكارا ....
جبدت ساكها وشدت سندال في اسود تاعها وفتحت لباب بلعقل..
هبطت بلعقل تطل عليهم في دروج لقاتهم كل واحد طلع
كملت بهدوووء هبطت للڨراج
فتحت طونوبيل تاعها وفتحت لقراج لي تفتح بتليكوموند ..
وديمارات بكل هدوووء تحاول متديرش ضجة كبيرة ويفيقو بيها ..
حبست عند محطة تاع كار بقات مدة قصيرة تستنى حتى تفتح لباب ودخلت كوثر تلهث
شافت فيها عائشة تضحك
عائشة : غير لخير جراو موراك ولا وش
كوثر : ششش برك متفكرينيش بسيف لا خرجت
شافت فيها عائشة بلجنب وهي ديماري
عائشة : علاه هربتي ؟!
كوثر : نووو ماما برك عمبالها خرجت ونتي !
عائشة ( دارتلها ديك ضحكة تاع بسيف ) : هربتلهم ..كون يسمعو بيا دار منخرجش منها
كوثر : ماشي لهدي درجة رانا كبار ياختي
عائشة : ايييه كبار بصح منخرجوش في ذا لوقت كون مجاتش صحبتي منديرش عليها هاد مخاطرة
هبطت كوثر لمراية لي في طونوبيل تعدل لخمار وهي تهدر
كوثر : ياخي سور قالتلنا حفلة في دارهم
عائشة : ايه هكا قالتلي بصح شكون يجي وكيفاش الله اعلم
كوثر : خايفة تكون مخلطة ..
عائشة : ايييه نتي محجبة بصح اصلن نقعدو اكوتي اذا لقينا الحالة مخلطة نلبقاو وشوية ونخرجو نخاف يفيقولي
كوثر : أيا صحا
مدة نص ساعة وكانو وصلو
قدام دار كبيرة .. كانت عبارة عن فيلة بحديقتها الكبيرة والواسعة ولي مزينة بلورود اشكال وانواع
وفيها بيسين كبير وفوقها ألعاب تاع لماء ..
غير وقفو قدام دار وصوناات عائشة باش يفتحوها بانلهم لغاشي نوعا ما طونوبيلات غير لغالي ينطح خوه
لي يسيربو ضيافة منتشرين بملابسهم الوحدة ...
هبطو بعدما عطات المفتاح للعساس
وشادين في يدهم لي كادو تاعهم
جبدت عائشة تليفونها وبدات تصور الحالة سطحيا وكلش وحطتهم ستوري ..
هي تقريبااا داخلة في سوشل ميديا ولكن ماشي عمل ولا
تحط مرة مرة يوميات تاعها وصورها ومغماراتها ولا وين تروح وكدا
وعندها صفحة خاصة بلادوية تاعها وتهدر فقط على الامور الطبية من ناحية الادمان على جميع انواع المخدرات ...
حطتهم ستوري وعملت اشارة لصديقاتها كامل
وغير شافو صحبات بعضاهم قربو يجرو ويعيطو حاضنين بعضهم ... وكامل يشوفو فيهم لانو معروفة صدقتهم من ايام الجامعة !!
#يتبع
#آرائكم🕊️
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
