#الحلقة49
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
#باك_أند🔚🔚
طاحت دمعة من عينيها وهوما مغمضين ماشي فايقة كامل بروحها حتى تحس بيدو على خدهة تمسح في دموعها
فتحت عينيها تشوف معاه والحزن باين من عينيها ..
تبسم في وجهها يحاول يزرع طمأنينة في روحها المكسورة ..
شد يدها وسط يديه ومزالو يشوف وسط عينيها كأنو راح يهدر دوك مع روحها لي مكسورة ومحطمة
جنيد : راح نكون معاك وراح نعالجك وراح نلم كل قطعة مكسورة فيك ونحطها في بلاصتها
كل ما هو مكسور راح نلصقو
نطقت مقاطعاتو
عائشة : بصح اي حاجة تكسرت مستحيل تتصلح
زجاح اذا تكسر جامي تقدر تعدلو !
جنيد : شكون قالك منقدرش لحديد اذا تكسر ويتعدل زجاج لالا .. على جالك نخترعلهم حاجة تلصق زجاح صفا هكا
ضحكت بهدوء من كلامو
من هاد اليوم حست جنيد هو بلسم جرحها كي يهدر معاها كأنو راح يخاطب روحها مراهش يحكي معاها هي
لذالك من هاد اليوم جنيد قدر يدي اعجابها لي حتى واحد مقدر يحاول يديهم بسبت حدودها
وهو اليوم بدا يكسر ذوك الحدود بتدريج ... وكلش على المهل ..
______ بعد عليها وخلاها في راحتها ... وكي جا خارج نطقت هي بصدمة ..
عائشة : وين رايح ؟!
جنيد : نجيب قهوة ونجي منطولش عليك
عائشة : احم صحا .. قوللهم معاك على تليفوني !
جنيد : هذا إذا بقى عايش
غمضت عينيها باغية تريح شوية حتى يرجع يجي ..
🕊️🕊️🕊️🕊️🕊️🕊️
في جهة اخرى عند كوثر لي كانت راحت لدارهم باش توجد روحها اليوم العرض تاع اكثر كاتب يعجبها ولي تعتبرو قدوة في مسيرتها الكتابية
عدلت روحها وكانت لابسة حجاب ابيض واسع مع خمار اسود
مكانتش دايرة شرعي ولكن كانت مرات تلبس سروال عراض ومرات حجابات ..
خذات مجموعة من الكتب .. ولي كانو كلهم كتب تاعوا
حطتهم في ساكها لي جابتو كبير غير بسبتهم
ولبست سندالة طالو
رفدت مفتاحها وكلش وخرجت تضحك
كوثر : ماماااا هااانييي خارجةةة
خرجت يماها تجري من كوزينة ..وتسمح يديها في طرشونة
يماها : وين رايحة ؟!
كوثر : عندي معرض كتب رايحة نشوف لكاتب تاعو
يماها : هيا ملا ربي يسهلك بنتي
كوثر : موااااح بااييي
راحت لجنب لباب وين كانت طونوبيل تم مڨاريا
ركبت وديمارات وطريقها للمعرض طووول ------
______
نرجعو عند جنيد لي كان ديجا جابلها تليفون وكاس قهوة ليه ..
وقرب لباب كي جا يفتحها سمع صوت الهدرة وضحك
دخل طووول وهو يحاول يسيطر على روحو من اي حاجة يقدر يشوفها مع هادي طفلة
كي دخل لقاها في حضن شخص آخر !
صدمة اعتلت ملامحو .. بقى غير يشوف فيهم مبلق عينيه
نطق بصدمة
جنيد : عائشة ؟!
وقعدت بسيف شادة ضحكتها من وجهو .. وبقات تحرك في يدها لي بسيروم بنفييي
عائشة : لاااا احممم جنيد جيت ... هذا خويا ماجد
ناض جنيد من قدامها وقرب ليه وتكلم بنبرة جدية
ماجد : سما نتا هو جنيد !
فاق على روحها وخمس معاه يتبسم ببرود بعدما استرجع نفسو !
جنيد : بشحمو ولحمو
دار لعائشة ويضحك
ماجد : هذا عندك قاصف للجبهة ديركت
عائشة : ايييه انا نجيبلكم غير لحبة المفقودة
ماجد : في هدي مغلطتيش
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
