#الحلقة68💮
🕊️ _الفصل الثاني:
-"وما بعد سهوة وجدت توبة دفينة في عمق الغفلة "-
___________
جابدها من يدها ويمشو خارج من سبيطار ... من قدوة كان يزرب في المشية مقدرتش كامل تلحق بيه شي لي خلاها قريب طيح على وجهها كون ماشي في لحظة الاخير حكمها كون راحت في خبر كان -
خطفت يدها من يدو لي طراسات طبايع حمر بسبتو
احلام (بعصبية) : مريييض نتا وشبيك جابدني هكاك وتجرجر فيا معاك شا راك حاسبني بهيمة
طلع حاجبه من كلامها لي حرفيا استفزه ٫ مسح على لحيتو وهو يخزر فيها من فوق للتحت حتى نظرتو جابتلها التوتر والتردد على كامل واش كانت راح تقول او بلأحرى تتجرأ وتقولو ....
ماجد : لالا ياختي انا لي بهيمة كيفاش ذا تخليه يمس يدك وقاعدة تڨرڨري معاه عندك عادي
مسحت على يدها بعفوية كانو بغات تمحي طيف لمس الممرض ليدها
نطق بإستهزاء واضح في نبرة صوتو ..
ماجد : ديري وش ديري مراحش تمسحي لقطة من عينيا غير متخميش بزاف
قلبت عينيها على هدرتو
احلام: ماشي كامل كيما قلت .. يديا كانو مغبرين
ماجد : اعمل حالي مصدقك .. المهم كملي امشي قدامي
احلام : منروحش معاك حتى تقولي وين بيها ؟
ماجد : للحساب
عينيها طرطقتهم فيه مخلالهاش كامل الفرصة باش تكمل تهدر .....
_________
كان قريب للموقع لي حددو GPS .. لقى روحو في طريق راح تديه لوسط غابة ولي كان ديجا دايرين لافتة بلي "محضور ! وملكية خاصة"
جنيد : وش جابها هدي للخلى الخالي ..
وهو يمشي بأقل سرعة عندو .. لمح وحدة فوق لحصان ابيض تجري بيه ..
ديركت فريناااا وقعد مركز مليح حتى عرفتها بلي هي
بزربة حرك يديه ورجع ديميتور !
وقعد يتبع فيها حتى قدر يقطع عليها طريق ..
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
