عندما أحب بجنون

حلقة51

#الحلقة51

#الفصل_ الاول:   " عندما بدأ حبه "

__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....

________

رغم المرض ووجهها شاحب وذابل
الا انو هاد شي مخفاش احمرار خدودها من كلامو ديركت غمضت عينيها وهو شاد يدها ومزير عليها
ماهي إلا ثواني وراحت لعالم الاحلام عالم لا وعي

اما عنوو هو !

احسن.... لو يبقى دهر كامل وهو يتأمل فيها ويقيس ملامح وجهها بعينيها ويشفوها انحناءات انفهت فكها عيونها شفارها الكثيفة وريحت شعرها العذبة
كلما يشوف في وجهها يسبح الخالق .. جمالها بلنسبة ليه شكلها صوتها طريقة مشيها ... ليه هو .. عائشة هي الاستثناء تاعو
بزاف ناس عندهم شي معين يعتبر استثناء
مثلا شخص رسب في مادة ولكنن بسبت الام تاعو وتشجيعها ليه قدر ينجح ويتوفق لذالك تعتبر يماه هي استثنائو ....

كانت عائشة هي الشخص العاكس ليه .. من وجهة نظرو هي انعكاس ليه واش مافيهش فيها هي هي الكمال تاعو
وهو يشوف فيها دوك ويتبسم بطريقة لي لو شافتها لكانت عائشة من المنصهرين ..

في قرارة نفسو مقرر وواثق مدام ربي لقاه بيها وطرق تاعو غير تتلاقى هي شخص لي يستاهل يكمل معاه حياتو هي الشريكة المناسبة لي راح تكون في حياتو
ومن دوك بدا يشارك معاها قرحها قبل فرحها مرها قبل حلوها..
واجملهم انك تكون وتوقف مع انسان في قرحو قبل فرحو .. باسكو تم وين تعرف الصديق من العدو ..
ومن هاد الوقفة لي وقف جنيد مع عائشة كان هو الصديق تاعها .....

______

في جهة اخرى ..

عند كوثر
لي كانت لحقت للمعرض كان في مركز ثقافي كبييير ومعروف ..
صحافة عند لباب ومن كل الجهات من عدة قنوات اخبارية
حراس منتشرين في كل مكان وسلاح بين يديهم في حالة حدوث هجوم ..
كانت كل دقيقة توصل طونوبيل ويهبطو من نساء او رجال متأنقين ومتزينين ..

هاد المعرض مكانش مجرد معرض عادي راح ينعرض فيه نسخة جديدة من كاتب معروف
هاد المعرض كذالك كان يعتبر ملتقى للعديد من الكتاب من مختلف انحاء الدول الاروبية او العربية او الآسيوية حتى !

كُتاب لي كاتبين العديد من سلاس متسلسلة
وكُتاب لي مختصين في سيناريوهات الافلام ومسلسلات
وحتى كانو بعض من كتاب روائين حاصلين على المرتبة الاولى من ناحية بعض التصنيفات على تطبيق واتباد لهاد العام

مثلا هناك بعض روايات تحصلت على مركز الاول من ناحية الدين
او رومنسية
او مرض نفسي
او مافيا
او تحقيق .. وعلى دوال هاد شي جاو فقط اصحاب المركز الاول لي كان بلنسبة ليهم هاد معرض يقدر يفتحلهم العديد من الابواب ..

قبل ما تخرج من طنوبيل ركبت لاكارت تاعها على شكل عقد
فيه اسمها ولقبها مرفق بصورتها ..

هبطت بثيابها الانيقة ولي فورا الصحافة بداو يصورو فيها حتى لو مكانتش شخصية معروفة يكفي انها تعتبر من هاد الحفل المشهور لي يصرا مرة في خمس سنوات.. يعني بمجرد مرور خمس سنوات على حفل الاول يصرا حفل اخرى وهي رايحة
دخلت لداخل وهي تتمشى على بساط الاحمر لي كانو دايرينو وشحااااال كانت حاسة بلفخر بنفسها لي هي هنا وداخليا وعدت نفسها  وروحها راح تكتب كتاب يكسر دنيا وين يخليها هي ضيف شرف في العديد من المتلقيات ..
كي وصلت للباب الرئيسي قابلها حارس وين شاف اسمها وجاب واحد لاباري جوز بطاقة تاعها تم كي تاكد بلي هي من المعزومين خلاها تفوت
دخلت وهي منبهرة من جمال المركز ومن كل شي فيه
وين دور راسك تلقى كتاب وهي اشخاص شادين كتب بزاف
كتاب كانت برك تسمع بيهم اليوم شافتهم ..

راح جابت كاس جو تاعها وقعدت في المنتصف وين بقات برك تشوف وتميز بعينيها .. حتى وقف قدامها شاب في بداية ثلاثينات من عمرو طويل القامة بملابسو الرسمية .. طقم رجالي .. كان في لون الازرق الغامق وين عطاه رونق بزاف شباب خاصة مع لون عينيه الازرق داكن لي وقت طلعت راسها وشافت فيها حرفيااا حست روحها غرقت وسط مواجو الهايجة
عينيه كانو عبارة عن ثوران وهيجان البحر .. هذا واش قدرت تحلل من نظرتو

تبسم معاها وقت شافها طولت نظر فيه
وتكلم معاها بنبرة لعوبة : عارف روحي زين بزاف بصح نخاف من العين

#يتبع