#الحلقة30
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
عند هديل لي كانت طريقها هي البحر المنفس الوحيد ليها دوما وابدا ...
هبطت وقعدت في روشيات كان الجو بارد وحلو في نفس الوقت لمواج يضربو في روشيات وريحة البحر ونسمة تاعو وحدها خلاتها تريح اعصابها وتصفي ذهن تاعها
كانت مغمضة عينيها وتتنفس بهدوووء حتى سمعت صوت خبطت بعيد عليها شوية في البحر حلت عينيها
وبقات غير تشوف وتستغفر .. شوية قالت تخايلت حتى شوية وتشوف في البحر راس من بعيد وجسم انسان متسطح على سطح البحر
والمواج تدي وتجييب فيه ... مكانوش مواج كبار مي جهة روشيات دايمن يكونو...
وقفت بفزع وبدات تعيط يعود يسمعها ..
هديل : يااااااا اسمعنييييي .. خوياااااا
معرفتش كاامل لا كيفاش تعيط عليه لا والوا
لا مجيب ..
مشات فوق روشيات بحذر شديد وهي تعس في روحها لا تجيب ربحة وطيح حتى قربت لجهتو
وزادت هبطت حتى قربت شوية للبحر وين قاسها لما في رجليها كون تدير خطوة وحدة برك غالطة تزلق
هديل : راااااك تسممممع فيييييا ...
ياااربيييي ..
خافت تهبط تعوم وتحصل
بقات تشوف تشوف حتى شافت في حوايجها لابسة بيجامة سروال وتريكو طويل مع خمار
عادلت خمارها شوية
ونحات بلغتها
وراحت رمات روحها في لبحر بلا ما تخمم
كان البحر يجبد ورغم ذللك كملت تناجي تحاول تسلك هاد الانسان لي مظهر لا إذا راهو حي ولا ميت
كانت قربت ليه ووصلت لعندو بدون وعي منها حطت يدها على كتفو لي كان باين ..
_______
كان مقلق بزاف وعادتو لي ممكن تكون سيئة ولا جيدة انو كي يتقلق ويبغي يريح راسو يروحو للبحر
غير وصل راح لبلاصتو المعتادة موالف بلبحر وموالف بمواجو وغدراتو
دار بلوتوت تاعو في وذنيه (ضد الماء) نحا تريكوه وغطس ديركت في لبحر مشاف لا شكون راهو معاه هاد المرة لا والوا
كان مكسل غايس يسمع في صوت لمواج لي دارهم في لكيت
ميحس غير بيد تحطت على كتفو .. بلا ما يفيق حكم هديك ليد وشد فوق راس لبنادم هذاك وغطسو ديركت في قاع البحر ...
_____
بقات تتخبط تتخبط وتنازع
يديها طالعين الفوق تخبش فيه من صدرو ذارعتيه وجهو مهم تسلك ..
وفي الدقيقة الاخيرة كي بدات تفشل باش فاق مع روحو وعرف بلي مرا ديركت جبدها من البحر
وبقات هي غير تشهق ويديها على كتافو كانت قريبة ليه بزاف !
الخمار طارلها
بقات تتخبط تتخبط وتنازع
يديها طالعين الفوق تخبش فيه من صدرو ذارعتيه وجهو مهم تسلك ..
وفي الدقيقة الاخيرة كي بدات تفشل باش فاق مع روحو وعرف بلي مرا ديركت جبدها من البحر
وبقات هي غير تشهق ويديها على كتافو كانت قريبة ليه بزاف !
الخمار طارلها بقى غير شعرها لي بلونو البني الفاتح يبان تحت ضو لقمر وضو الخفيف لي كان في شارع
وجهها كامل ولا حمر
لمدة عشر دقائق باش قدرت تتنفس وتاخد نفسها طبيعي
اما هو ملامحو كانت باردة تماما كأنو ماشي هو لي كان ذوك راح يق تل بنادم في وسط البحر وفي عز ليل
بلا ما تفيق بدات تعيط
هديل : مرييييض نتاااا كيفااااش قريييب قت لتنيييي
شاف فيها وفي صوتها العالي لي كانت تخاطبو بيه
في المقابل
شاف فيها بنظراتو الجدية وعاقد حواجبو
... "شكون نتي وواش راكي ديري هنا و علاه جيتي عندي ؟! "
بقات غير تشوف فيه متسوعبة وضعهم... كي حست يريح في راسها طرطقت عينيها وهي تشوف فيه
طلعت يديها ببطئ لراسها
حتى ناضت تعيط
هديل : ايمااااا خيمااريييي خيماريييي ياربييي واش داني نهبط كون خليتك تموووووت. .
كي قالت هكاك تم وين طلع عينيه بهدوء ناحية شعرها لي كان كامل شامخ وبعض الخصلات نازين على وجهها
كان لونو جاذب وبزاااف شباب
بقى غير يخزر
حتى شاف البعيد لقى الخيمار هذاك يطفو بعد عليها وبدا يعوم وهي غير تشوف فيه مخلوعة كي خلاها
باسكو مراحش تقدر تطلع وحدها لازم واحد يعاونها
حتى شافتو جا والخمار في يدو
غير قرب ليها رماه عليها جا في وجههم
نحاتو بزعفة وطلعت يديها الفوق عصراتوو وفي نفس الوقت كانت تعوم تحت لما برجليها
حطاتوو فوق راسها عشوائيا
من بعد شافت فيه وهدرت معاها وباين من وجهها بلي مقلقة
هديل : دك كي راك عايش وسلامات تقدر تطلعني الفوق
#يتببببببع
أنت تقرأ
عندما أحب بجنون
Historyczne•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
