#الحلقة35
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
كوبات ديركت المكالمة في وجهو.. من نيته باغيها
الفطور هي وياه تقعد معاه في طابلة واحدة راس في راس
مجرد الفكرة برك خلات اطراف جسدهة يرجفو .. حرفيااا حالتها تدهورة بمكالمة واحدة !
بزاف نهدرو كلام منعرفوش كيفاش راح يجيه لطرف لثاني ومنعرفوش اصلللن حالتو من كلامنا لذالك لازم على أي واحد قبل ما يهدر يخمم في شعور ثاني ! !
ودارت لشارع فارغ وڨرات طونوبيل تما
حطت راسها على فولون تتنفس بلقاوي .. وتحكي مع روحها ..
عائشة : اشششش خلاص عادي كامل يطلبو بعضاهم ببفطور رانا مجرد شركاء عمل لا اكثر ولا اقل .. تنفسيييي تنفسيييي ( كانت تردد كلمة تنفس لعدة مرات ومعاها تحاول تتنفس كذالك ولكن لا جدوى )
أنفها بدا ينزل منو دم بقطرات كون ماشي بشرتها بيضاء ودم لطخها مراحش يبانلها وراح تحس بيه من حالة لي راهي فيها
غمضت عينيها مزيرة عليها كي شافت دم بقات تحرك في راسها برفض ..
وتفكيرها فقط فيه هو .. هو الوحيد لي موالف يحضر لحالتها وهي بهاد شكل هو الوحيد لي شافها بهاد ضعف
هو منقذها من عدة مصائب ومن عدة مرات كانت راح تموت فيهم ..
قعدت تحوس على تليفون بعينيها باس تعيطيلو ومن توتر وستراس لي كانت فيه مشافتوش كاامل وهو قدام عينيها
حتى سمعت صوت ميساج لحقها باش فاقتلو
كي رقدت تليفون لقات ميساج فيه
الموقع + راح نستناك !!
بدون وعي منها شدت شعرها بيديها لزوج ضاغطة عليه حتى عروق راسها بانو !! وبدات تعيط بهستيريا !
.عائشة : اععععععععع اخطينيييي اربييي اخطينيييي بعدني مااانيش باغية نجي ماشي باغية
كانت وضعيتها الحالية كأنو واحد لازملو يكون في مستشفى المجانين ماشي شخص عندو شركة وعائلة !
عائشة : ايييه هو هو لازم يجي دك عندي !
فتحت تليفون وبقات تحوس على رقمو حتى لقاتو
بقى غير يصوني
مردش لا من رنة الاولى ولا ثانية ولا ثالثة ولا رائعة !
المرة العاشرة لي تعطيلو فيها وعينيها مقطرين بدموع
شكون شاف حالتها صباحية مع دوك وسببها برك مكالمة كان فيه طلب الفطور !
عائشة : لالا متغدرش بيا وعدتني متخلينيش .. جواد نتا وعدتني تبقى معايا ياك قتلي يصرا واش يصرا نبقى معاك متخلينيش دك نحتاجك
عدة اجتمالات جاو في راسها كي مردش عليها
بين عينيهاه برك لازم هي تروح ليه !
رجعت ديرمارات طونوبيل .. حالتها متسمحلهاش اصلن تسوق
كل مرة تميل بيها طنوبيل
عينيها تشوف بيهم غير ضباب ....
أنفها د م لي كان ينزل منو كأنو راهو نزيييف ماشي د م عادي
وقت قربت لوجهتها
جات تحبس طونوبيل مقدرتش معرفتش وين تحط رجلها من دوخة
ومشافتش قدامها كاميو لي كان جاي في طريق ...
فقط اخر لمحت شافتها كان هو كي خرج من دار و معاه بنت اخرى ويضحكو
بعدها مسمعت غير صوت كاميو وهو يزمر حتى زدم فيها
ومباشرة تلاحت طونوبيل للجهة الاخرى من قوة كاميو تخبطت في لحيط وتقلبت ...
هداا كااامل صرا في ثواني قليلة ...
عائشة .. عائشة ... عائشة ______________
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
