-قالت : هل المر سيمر ؟!
_________
🌟قالو اذا خطاوك بابا ويماك غير بقى عند عتبة الباب ... 🌟
🌟بصح هي خلاوها ماشي خطاوها بمعنى ماتو ؟؟؟؟🌟
_____
-وهو مات لي كان يحط راسو على كتفوو... مات شخص لي كان يقول عليه بابا .. مات لي كان يقولو عطيني دراهم .. مات لي كان يقولو أحلاموو... مات لي كان يحكيلو أحلامو .. مات صديقو ..سندو في الحياة.. روحو
كانت قاعدة في جهة الخلفية للمنزل ويشوف في الفراغ ...
فقط الفراغ بسهوة
نطق مكلم روحو وربما روح باباه اذا كانت معاه !
__
كيما دفنتك نتا يا بَابَا في داك لقبر حياتي دفنت معاك .. حقك مراحش يضيع .. راح نجيبو وقتها نجي لقبرك ونقولك راهي جبتلك حقك يابابا ...
مراحش ننساك .. راك في قلبي عايش وخالد ..
لعائلة لي خليتها راهي في رقبتي .... كون هاني خليت موراك راجل
_____
بعدها مباشرة وقف ودخل داخل رد
العزاء كانو راحو وبقاو فقط العائلة المقربة لي تجمعو على اساس الوصية
والما لي تسقى بيه ترابو مزال منشف
هذا هو الوقت تاع اليوم
ميراعو لا لعائلة لميت ولا حتى شي
غير يموت صاي ورا دفينة نفتحو الوصية ...
وهذا لي كان جا المحامي وتنطقت الوصية
لي بما أنو خلاص معندوش باباه و يماه ( أب جنيد منصور)
وعندو ولادو ومرتو
هدو هوما لي يورثوه وديجا كان قال لي يورثوه
البنات ورثهم باين بما أنو زوج
والزوجة باين
والابن يدي الباقي
كامل العائلة معجبهمش لحال كيفاش مصحلهم والوا
نطقت صليحة بحدة وهي تشوف فيهم كامل يخزرو في بعضاهم والانزعاج بادي على وجههم ..
صليحة : هاكم سمعتو الوصية دك كل واحد لدارو .. ومن اليوم منسحق حتى واحد يدخل لهاد دار
لي كنت تستناو موتو باش تدو ورثو وحق ولادو ... حمد الله راكم سمعتوو دك تفضلو
خرجو كااامل رافدين كباتهم
بقى فقط خوووه ..... فريد ..
هو خوه الوحيد ...
نطق وملامحو الحادة تشوف في صليحة
فريد : كيفاش راكي باغية تبقاي وحدك ودار مافيها حتى راجل صليحة !
شافت فيه من فوق لتخت طول عمرها تكرهو ومشافو ربح منو ... على عام طول غاي من خوه وينصح فيه على العفسة شينة
صليحة : متخافش عليا سي فريد عندي وليدي سيد رجال راهو في كتافي وكاين لعساس عند لباب وكاين عفسة اسمها غلق الابواب ...
لذالك متخممش علينا ..
فريد : هممممم .. لمهيم عندي هدرة مع جنيد
شافت مع جنيد وبدل كااامل ملامحو
ولات ملامحو كلها لينة ومتعاطفة
فريد : نطلعو نحكو فوق !
جنيد : وين فوق نحكو هنا قدام يما نورمال
فريد : احم صحا .... عمبالك دك نتا لي راك مسؤول على هاد لعايلة ونتا لي راك واخد اكبر تصيب بيناتهم
جنيد دوك راك في فترة مراهقة .. مراحش تعرف تتصرف في هاد شي كامل بغيت نقترح عليك تروح تكمل قرايتك برا ... راح يقبلوك تعرف تقرا وعندي معارف برا ... يعاونوك زائد نوجود وراق عند محامي نكون وكيل تاعك في مصاريف لانو مزال موصلت لسن لقانوني باش تستعملهم
جات تنطق صليحة هنا رفد يدو في وجهها مسكتها
فريد : واش قلت ؟!
شاف فيه لمدة من زمن وقالو بصوت جدي
لي رغم صغر سنوو إلا انو كااامل عائلة يديرو عليه عند كلمات من صغر يوعد يوفي وكلمتو سيف ... جامي تنكسر ..
جنيد : نطلعو فوق عمي وقولي واش كنت باغي تقولي
ترسمت بسمة خبيثة على ملامح فريد
وقرب لعند جنيد وطبطب على كتفو يهدر
فريد : دايمن نبغيك ونتا هو المفضل عندي ودوك تعرف علاش
__________________
#يتبع
#رأيكم💗💗
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
