#الحلقة37
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
نرجعو لنيويرك...
وعند جنيد بلضبط لي بعدما راح لشركة تاعو ووقع على بعض الاوراق الهامة !
خرج وراح المطعم لي كان بعثلها ديجا موقع تاعو
كان بقاو حوالي 10 دقائق على موعد لقائهم
وفي عشر دقائق كان هو وصل لانو قريب من خدمتو
كي وصل شاف ملقاهاش خير طاولة وقعد يستنى وكي جا ليه نادل وين لازم يطلب شي
طلب كاس قهوة ... جبدل دخان تاعو شعلو وبدا يستنشق فيه وبيديه ينقر على طاولة بهدوووء شديد ولكن ملامحو وعقدة حواجبو تعرف بلي مقلق
كل ثانية عينيه على ساعتو !
وبعد ما جازو ساعتين بلضبط وهو يستنى فيها مجاتش
كان كاس ورا كاس ودخان ورا خوه
كون مجاش قاعد قدام تاقة كبير كون قالولو اخرج برا ودخن
العصب تاع دنيا كاامل تلم فيه
خرج بعدما خلص واش شرب
غير ركب طونوبيل بقى ثاابت في محلو يديه فوق فولو ويخزر للقدام برك
حتى خبط يدو عليه بقوة حتى ولات حمرة
جنيد : معليييش عائشة هاد ساعتين تخلصيهم مليح
ديمارا وفي طريقو جبد تليفون يعيط للمساعدة تاعها لي ديجا عندو رقمها
مدة قليلة تصل بيها
جنيد : جوزيلي مدام عائشة
مساعدة : مسيو جنيد مدام عائشة مجاتش اليوم !
جنيد : عيطتلكم كشما قالتلكم ؟! سبب
مساعدة : نو معيطتش
جنيد : مالفة تعيط ؟!
مساعدة : اكيييد مسيو لانو عندها اليوم اصلن اجتماع مهم وتلغى كي مجاتش في الموعد
على كلامها كوبا ديركت عليها ... وتفكيرو كاامل فيها هي و علاه مجتاتش لا لخدمتها ولا حتى لموعدهم ؟! لي ان صح تعبير موعد تاعو برك ماشي تاعها!
______
في شوارع نيويرك وفي احدى منازل الفخمة
وداخل واحد من البيوت لي كانت غرفة بلون لبيض مع لباج
ليطابل دونوي تاعها في لونهم الاسود يلمع
سرير اسود ولي تابي تان
كانت غرفة رجالية بحيث كان فوق سرير تاعو واوراق كثيرة جنبو فوقو لحاسوب تاعو يخدم بيه
مع نظراتو طبية
كان لابس سروال بيجامة رمادي لون بلا تريكو
قواعد مركز مع خدمتو .. حتى تسمع صوت تليفون كاسر داك لهدوء لي كان فيه
طلع راسو ودورو يمين وشمال مطرطقو
رفد تليفون ولي كان لاسيلكي؟!
.... : نعم ؟!
حضرات راح نحولك الاتصال لنائب
.. : صحا
حضرات لازم ترجع لجزاير .. قربت الانتخابات
قاطعو في كلامو
... : نعرف قربت وبداو الانقلابات ومشاكل سياسية يدخلو وسط شعب وهو الوحيييد لي متضرر
نعم هدا واش راه يصرا
... : آخر الاخبار ؟!
عين دفلى صرا فيها اطلاق نا ر وكانو مجموعة ارها بية
مي سيطرنا على الوضع
...: صحا ماشي سمعت حتى وهران ؟! صرا فيها اطلاق
احم نعم حتى هي
: مرة جاية كي نقول اخر الاخبار معنتها كلششش منبغي حتى حاجة ناقصة مانيش دايرك نائب في باطل ياك !
: آسف حضرات
: دك نبغي العناصر يوجدو كلششش يكون واجد غدوة طيارتي
وتغلق الاتصال مع اخر الاخبار ..
الانتخابات قربت وواش يصرا بينهم يأثر على شعب وهو المتضرر الوحيد وهدا واش راه يصرا دوك
#يتبع
أنت تقرأ
عندما أحب بجنون
Ficção Histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
