#الحلقة33
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
التح رش انواع .. كاين لي يتحر شو بيها لفظيا او عن طريق نظرات او عن طريق لمسات
كاين بزاف ميقدروش يدافعو على نفسهم خاصة لو كانو وسط بزاف ناس تحشم تعيط عليه باسكو مسها لانو اتفه عذر يقدر يقول قستك !
في وقتنا الحالي 2024 ولاو عندنا رجال مكبوتين وحاشا تليق ليهم كلمة رجل
لمرا برا كي يشوفوها كأنو شافو جسد لتفريغ شهوة
ومن هاد شي كان الحجاب سترة للبنت يستر عورتها ومفاتنها .. قدم الانثى وحدها فتنة ابتسامتها تحركاتها غنجها طريقة مشيتها كلللها فتنة
او بصفة عامة نتي راكي فتنة متنقلة
بصح !
حتى لو دير الحجاب ومزالو يشوفو فيها
كاين وين تكون لابسة حجاب بطول ميترا وعريييض وبنقاب اسود وقفازات والاقدام مغطين هكاك ويشوف فيها
هاد الموضوع قدما نحللوه ونحكو فيه مراحش نقدرو نوصلو لنتيجة
مراحش يتحط اللوم على طفلة لي ماشي مستورة ولا على رجل لي ميغضش البصر
نقولو برك لي ماشي ساترة روحها تستر على اقل الذنب يديه هو كي شاف فيه وتحرش بيك وماشي نتي
وجااامي تسكتي اذا دنى ليك واحد
في طريق طرام أي بلاصة بهديله ورخسيه باسكو هدا واش يليق بأمثال هاد ناس
ونسأل الله العافية والسترة في دنيا وفي الآخرة
_________ 💫💫💫
لبست ثيابها لي كانو عبارة عن جامسود اسود وطلقت شعرها مع ميكاب سامبل رفقة صباط طالو كلاسيك بلون الابيض مع صاك ابيض حطت ميكرو تاعها في حقيبة خاصة بيه !
وخرجت
هبطت للتحت لقاتهم كاامل قاعدين على الفطور .. اليوم الاثنين كلهم يخدمو
عائشة : بونجووغ بووونجوووغ العائلة الكريمة
محمد : وصباح الخير والنور عليك عيشة بنتي
حطيت يدها على طرف شعرها تبعد بيه برقي وفخامة لي متجسدين في عروقها تلقائيا يلقاوها تتصرف بطريقة كأنو راهي أميرة ودربوها باش تولي ملكة !
حكيمة : يابنتي يرحم والديك حبسي مديري قدامي هكاك
حلت عينيها فيها بصدمة
عائشة : خاه واش راني ندير ماني
#يتبع
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
