#الحلقة52
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بقات غير تشوف فيه حتى جاتها لحظة ادراك متأخرة على كلامو لي قالو دوك
بلخف عقدة حواجبها ماشي مستوعبة واش قاللها
بعدت راسها من جنب وين قدرت تشوفو من فوق لتحت بتكبر واعتلاء وغرور باين من نظرات عيونها الحادة ! والباردة شاف حذائو لي باين من ماركة غالية بزاف وساعتو الذهبية لي حرفيااا راهي حاسة بلي من الذهب الحقيقي ..
خاتمو الفضي لي كان في يدو اليمنى وين بيها كان يمسح على طرف حاجبو الايسر
كوثر : عفوا ... انا مكنتش نشوف في زينك كنت نشوف في ذبانة لي كانت فوق راسك .. اهاه اسمك مؤيد (كانت شافت اسمو في لاكارت)
هناااا صح صح قدرت ترجعلو ضربة ..
كوثر1/مؤيد1
كانو متعادلين
ولكن في الحقيقة متوقعش رد تاعها ابدااا اسكو توقع تقدر ترد عليه هكاك مي بقى غير يخزر فيها حتى في لحظة معينة قعد غير يضحك بقهقاتو الرجولية العذبة ..
لي كان ليها صوت ورنين خاص اطربو وذنيها ..
حتى بعض الرجال ونساء من طاولات قراب ليهم بقاو غير يشوفو فيهم باستغراب ..
مؤيد : اااااه ياربي غلبتيني هنا بلمناسبة مؤيد آشيت ونتي ؟!
كوثر : كوثر منصوري
مؤيد : متشرفين انسة كوثر نتي هي لي كان قالي عليك صاحبي ....
كوثر : ايه ونتا هو احد كتاب لي نبغيهم بزاف
كانت صريحة بزاف وماشي حاشمة كي قالتلو انك احد كتاب لي نبغيهم
وحتى هو ابتسم على كلامها وين حط يدو اليسرى فوق قلبو برجولة كتحية ليها
مؤيد: شرف ليا انسة كوثر تكوني من معجبين بي
كوثر : حقيقة انك واش تكتب شي ثاااني مخالف تماما على شخصيتك لي راني نشوفها دك ؟!
مؤيد : علاه من خلال كتاباتي واش قدرتي تعرفي على شخصيتي؟!
تبسم كوثر ونطقت بهدوووء وثقة : انك قدما راك شخص هادي ولكن داخلك في العمق شخص ثاني .. شخص بارد تعامل والملامح شخص محب لدم ولرائحتو انك نتا شخصية متعطشة ليه متعطش للقتال سواء في مباريات ولكن لي متاكدة منو من غير حبك لدم انك شخص باغي كل يوم تضا رب تقتل وانك خصم ابدااا ماشي سهل .. هيجان البحر لي في عينيك يخلي أي شخص يعرف بلي داخلك شخص لو خرج في وجه اي انسان مراحش يكون هذاك الانسان مليح وبكامل صحتو
بقى للحظة غير يشوف فيها و حرفيااا قابلها بلمنظر لي هي هدرت عليه .. عيون باردة خالية من الحياة هادئة ختفى هذاك الهيجان لي كانت حاسة بلي راهي تشوف فيه !
بقى لمدة خمس دقائق يشوف في عينيها واذا كان كاين شخص يصمد ومينهزمش في حرب العيون فكان هذاك شخص هو كوثر ...
حتى تبسم في وجهها تم وين رجع كيف قبل
خاطبها بنبرة هادئة وغامضة
مؤيد : انسة كوثر انتي حقا شيء ما وباغي نعرفو ..
ضحكت في وجهو برقة
كوثر : لمهم مسيو مؤيد صراحة حابة نرسلك نسخة فيها مقاطع مختلفة من رواية لي باغية نخرجها واذا لقيت ولو مجرد خطأ صغير وتافهه فيهم قولي
مؤيد : و علاه متقطفات؟!
كوثر : مانيش حابة نرسلهالك كلها مبقاليش بزاف ونكملها ولكن رغم هذاك شيء ... راني حابة من خلال مقتطفاات تخمن موضوعها وحتى عنوانها
حرك راسو بلايجاب على كلامها ..
مؤيد : فكرة مليحة صراحة انتي بعثيلي وانا نقرا ونعطيك رأيك
حركت راسها فرحانة وشادة حماسها بسيف باش ميبانش وهي تحكي قدامو بهاد طلاقة..
كوثر : شكرااا بزااف مسيو مؤيد
مؤيد : ولو العفو انسة
جات راح تتكلم معاه مرة أخرى حتى جاو بعض من كتاب اخرين نساء ورجال وبدات رحلتها في الغوص في العالم لي هي كانت تحلم ليه من سنييييين من طفولتها ..
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
