#الحلقة50
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بلسيف عليه ضحك .. بصح كانت ضحكة مجمالة برك ورجع قعد في بلاصتو بملامح جامدة يشوف غير ماجد قاعد يضحك معاها .. وهو تان
قعد غير مزير على يدو .. في حين من برا كان جامد ثلج من داخل كان بركان على وشك الانفجار
كان شاد تليفون وكانوو راه مركز معاه مي في الحقيقة تركيزو كاامل مع هدوك لي راهم غير يضحكو
كان جاه اتصال لجنيد لذالك خرج وخلاهم
غير خرج نطق ماجد وهو يشوف في طريق لي مشى منها جنيد
ماجد : والله لا سيد من نيتو غاير مني
ضحكت عائشة بلعقل باش ميوجعهاش جرح
عائشة : نوووو ماشي هدي درجة
ماجد : ياختي راني راجل ونعرف راجل
قاعدلي ديك قعدة وشاد تليفون ومزير على يدو مغاضني برك تليفون .. وقابلني هكاك بوجه صحيح ميضحك ما يندب
شاف فيها غمزها
ماجد : اهييييه عيشوش ختي نورينا .. واش بيناتكم
حطت يدها سليمة لي بسيروم على وجهها من حشمة
عائشة : اوووو ماجد حشمتني ..
مسح على شعرها بحب وحنان باينين من ملامح وجهو
ماجد : معليش ختي زينة قولي برك
عائشة : عمبالك لماضي تاعي ماشي ساهل .. وباش نبغي واحد صعيبة عليا سيرتو مور جواد ..
ماجد : بصح باينة بلي جواد ماشي هو جنيد !
عائشة : عمبالي عمبالي .. بصح ! ...
قاطعها ماجد
ماجد بحدة : وشنو بصح عائشة دايمن قولك لماضي هذاك انسايه صفحة وتطوات
بدون قصد جات تعيط مي توجعت ولات تهدر بلعقل
عائشة : متقولييييش صفحة وتطوات فهمت للدووك لي طراس مزالو للدوووك مريضة للدوك مزالت نعاني وشمن صفحة وتطوات .. ماجد لماضي تاعي منظنش يجي نهار وننساه !
جا يهدر ماجد بصح تفتح لباب ودخل منو جنيد بملامح اسوء من الاول
جامدة غير مبالية وحادة كذالك كي قعد
حط رجل فوق رجل برجولية وفاتح ذرعتيه ... وتقابل مع عائشة ديركت هاد لمرا وقعد يشوف فيها بواحد نظرات غريبة مقدرتش كامل تفسرهم ولا تفسر لمعنى تاعهم
عينيه حتى ولو بذلك لون .. بصح كي تبقى تشوف فيهم تحس روحك راح تغرق تغيس في عينيه وشوفتهم بسيف عليك
حتى في دقيقة تبدلت نظرتو ولانت ..
قرب ليه ماشي داير حساب كامل لخوها لي قدامها ومطلع حاجبو في سيهم جنيد
حط يدو فوق يدها باسها بحب ظاهر
جنيد : راكي مليحة كشما خصك نجيبلك .. كاش سطر حاكمك ؟!
ملقاتش واش تقولو برك تبعت قلبها !
عدلت روحها بسيف بلمساعدة تاعو وغمضت عينيها بعدما عدللها راسها على لوسادة
زيرت على يدو ضاغطة عليها .. معمبالهاش اسكو راهي تدي منو القوة ولا واش .. بصح بغات تحس بيه معاها في هاد لحظة
عائشة بصوت ذابل وتاعب : حابة نرقد برك عيت .. ومعنديش سطر .. برك نرقد
تكلم وهو يعدللها في لغطى بليد الاخرى
جنيد : صحا زينة ارقدي وهاني قدامك
فتحت عينيها بذبول كانت نظرتها وكانها ثملت (سكرت)
عائشة : تبقى هنا متروحش
ضحك في وجهها مخليها تشوف في كتلة الوسامة لي راه قاعد معاها !
جنيد : نبقى نبقى وانا عندي جرأة نروح ونخلي زينة البنات !!!
زينة البنات 😭💗💗💗💗💗💗
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
