#الحلقة60
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
جواد : بما انو راح نبداو كيما قلتي .. راح تكون لمدة شهر كااامل حبتين كل صباح وصدقيني هذا اقوى مخدر ..
حركت راسها وشربتهم وبعد مرور فقط 5 ثواني بدات تحس بلفشلة
رفدت يدها تمسح على وجهها بعدم استيعاب ..
عائشة : وش هذا !
جواد : مهدئ كيما قلتي
عائشة : بصح مهدئ لازمني ندوخ ؟!
جواد : راح يخليك بين الوعي ولا وعي .. راح دوخي ونتي فاتحة عينيك مراحش تقدري تفرقي اسكو راكي نايضة ولا راقدة .. راح تكون فاشلة وماشي قادرة تفكري كلشييي كيما بغيتي عائشة والغرفة المعزولة دوك تتجهز .. وكذالك العلاج نفسي راح نبداوه ونتي تحت تأثير المخدر
قرب ليها بهدووء تام وحضنها ..
عارف في ديك دقيقة تلفتلها ومتوقعتشه يعطيها مهدئ هكا .. مكانتش دايرة في بالها راح يخليها تدخل في دوامة معندهاش حل نهائيا وين كانت راح تقدر تهبل
في ظرف ثواني كان أمر الخدامة ووجدتلها غرفةانا في طابق ثاني غرفة واسعة سوداء .. فيها كامل شاتبغي ديرو .. سبور في جنب .. ماكلة .. لكيس تاع البوكس.. مكتبة مكتب .. كلشي تبغيه هي تحط داخل ديك البيت في ظرف ساعات قليلة وفي ديك دقايق وين البيت كانت تتوجد كانو قاعدين ي المكتب تاعو .. وين كانت متكسلة على سرير طبي وهو مقابلها في كرسي تاعو وي يدو حاسوب تاعو يكتب كامل وش تقول !
جواد : عائشة لو تجيك فرصة وتشوفي والديك .. تبغي تشوفيهم
دوخة لي كانت ڨابضتها وحالة لي كانت داخلة فيها وين معرفتش كامل وين راهي دور .. صوتو كان يتسمع بصراخ كانو راه يهدر بمكبر صوت
حركت راسها بنفي شحال من مرة
وبصوت ثقيل نطقت
عائشة : لا لااااا مستحيل نقبل نشوفوهم بسبتهم تعذبت بسبتهم عطاوني ذاك سم .. هههه شكون راح نشوف .. ماما لي مدتني لراجل عذبني قريب قتلني .. وبابا لي سمح فيا بدون سبب وبسبتو راني هنا ..
جواد : وخاوتك عائشة وش تحسي من جهتهم ونتي عمبالك بلي درك راهم وسط يماك وباباك وراهم يعطوهم الحب والحنان لي تمنيتي تعيشيه نتي !؟
عائشة (بضياع ) : علاه راك تسقسي فيا .. و علاه صوتك راني نسمعو هكا !
جواد : جاوبي عائشة على سؤال تاعي هيااا
قفزت كي عيط مع لخر
غلقت على وذنيها بدون وعي
عائشة : معمباليش ماني نحس بوالو من جهتهم
جواد : كون تتلاقاي بيهم
سكتت شوية لمدة قليلة قبل ما ترد عليه
عائشة : منعرفش بالك راح نبغيهم في الاخير هوما معندهم حتى ذنب ياك ( هنا دموع بداو يطيحو من عينيها ) معندهم حتى ذنب بلي والديهم بغاوهم يعيشو حياة شابة
مي جا ينطق دقدق لباب ودخلت لخدامة
خدامة : مسيو كملنا تجهيز الغرفة
جواد : صحا وجدولها مكلتها
خرجت خدامة وهو غلق ميكرو
وشاف فيها
جواد : خلاصت حصتنا لنهار ليوم .. ودوك نروحو المرحلة تالية
كي وقف وجا يقرب ليها نطقت بكلام صدمو
عائشة : جواد زيد اعطيني حبة من المهدئ انا راني باغية نطبق كلشييي كيما قالو باغية نقدر نحس بلي صح نسيت علاه وليت هكا و علاه راني هكا .. باغية كي نكون نجاوبك منحسش بلي راني نجاوب فيك هما اصل العلاج .. حتى لو راني بين الوعي ولا وعي راني حاسة جواد ..
مسح على وجهو ونطق بعصبية
جواد : عائشة باغيا تهبليني .. كون مينجحش العلاج عائشة كون كشما يصرالك
عائشة : تعيش اوثق فيا كيما راني واثقة في روحي
تنهد وراح المكتب وين ديجا كان جابو معاه
وعطاها حبتين ماشي حبة
لانو اصلن دواء هذا يمشي بحبتين ماشي حبة
#يتبع
أنت تقرأ
عندما أحب بجنون
Historyczne•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
