#حلقة36
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
في الجزائر ....
في العاصمة بلضبط وفي احدى شوارعها ..
كانو منازل عبارة عن فيلات متلاصقين مع بعضاهم قليل وين تلقى زوج متفارقين
وفي احداهم !!
كانت من ثلاث طوابق مع سطح
وفي طابق الاول
كان صوت ضجيج تاعهم باين مع صوات ضحكاتهم
قاعدين على طابلة العشا ياكلو في جو اسري مئة بلمئة
أم وأب رفقة ابنة وابن
صورتهم كانت صورة عائلة سعيدة محبة
نطقت الابنة
: ماما نسحق دفتر العائلي ..
شافت فيها بملامح مصدومة
: علاه تسحقيه ؟!
: ياحصرااا ماما باش نخرج شهادة ميلاد
نطق الاب
: معليش انا نخرجلك بنتي بلا متعبي روحك في البلدية في سخانة هدي
: نوووو بابا رايحة مع صحباتي حنديرو قعدة في بحر ياك قتلك قبل
: احم معليش .. شاف في مرتو بملامح كلها جد
أسيل روحي جبيه عطيهولها دك تعودي تنساي
أسيل : بصح فؤاد ؟!
فؤاد : كيما قلت هيا
بقات الابنة غير تشوف فيهم باستغراب بينما الاخر غير مبالي كااامل بواش راه يصرا شاد تليفون بين يديه ولاهي معاه
مدة قليلة وكانت جات وفيه يدها دفتر وعطاتو لبنتها !
فتحاتو هي الاخير تشوف فيه حتى ملامحها يبسوو تماما وهي تقرا في الصفحة الاولى وين يكونو الابناء
ماما وشنو هدا
كانو أسيل وفؤاد يشوفو فيه بعضاهم
هي نظرات كلها خوف ورجفة اما هو نظرات كلها حدة وجدية
فؤاد : وش كاين ؟!
: بابا شكون هادو عائشة وماجد لي راهم هنا ؟!
هنا الابن طلع راسو وقرب ليه يشوف معاها وهو الاخر تشوكاا عن حق
شاف فيهم بصدمة نتيجة خرج صوتو عالي
: عندناااا خاوتناااااااا ؟!
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
