#الحلقة25
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
سندس : وياااااا شكون جاني... والله كي شفت بلي درتي حفلة اليوم قلت مراحش كامل تجيني
تكلمت عائشة هي الثاني وذات الوقت محضنتها
عائشة : سوسو كااامل ومنجوش لعيد ميلادها بغيتي يلقاوني في كاش بلاصة مقتو ولة
أحلام : عيشوش ياختييييييي كي راكي شابة
عائشة : احممم حشمتونييي صاي صاي
آكرام : لمهييييم هيا هيا ندخلو داخل كامل راهم يستناو فيكم ....
كوثر : كون غير قلتولنا بلي راح تكون لحالة هكا .. تعرفي منقدروش
سندس : تعرفي دارنا يبغو يشوفو هكا دار معمرة بصحباتي وكدا
قلبت عائشة عينيها بانزعاج واضح
عائشة : راهم صحاب وصحبات سندس ختي كون تعرفي واش درت باش جيت عندك
باستها سندس من خدها ونطقت بحماس واضح!!
سندس : موااااح يا هكا صحبة يا خلييي
عائشة : لمهممم راح نقعدو شوية ونروحو !
سندس : معليش مهم جيتو
دخلو داخل الفيلة لي كانت شيء ثاني حرفيااا
ضو كان يتبدل لونو بين ثانية واخرى .. أحمر ..أبيض. ازرق ..أصفر وبعض الموسيقى الهادئة مكانتش هديك صاخبة واغاني بزاف ويشطحو لا ... فقط هادئة تهدي البال
كانو عدة طاولات في أمكان متعددة .. توجهو لطاولة لي كانت في الوسط وكانو دايرين عليها 3 رجال و2 نسا
قربو ليهم وتسالمو كامل مع بعض
سليم : هدي غيبة كوثر وعائشة جاو لعندنا
ضحكو لزوج ونطقو في نفس الوقت
كوثر وعائشة : الله لا يغيبك..
كمال : شفت واش قلتي اليوم على دوا لي خدمتيه يعني صح نستعرف بيك درتي خدمة شابة ..
عائشة : شكرا اي حاجة نقدر نعاون بيها جيال تاعنا
وصلنا لوقت تخاف حتى تشد حاجة من يد صاحبك تاكلها
سليم : صح صح
بعدو من جماعتهم كوثر وعائشة وراحو قعدو في بلاصة متبانش بزاف لناس ...
وقعدو ياكلو في مكسرات حطوهولهم ومرة يشربو جو ومرة لاتاي لحاصول خلطوها
شوية وقت وجاو عندهم لبنات
أحلام : دك شوية نقطعو لكيكة
عائشة : اخيرااا نڨهمت وانا نطبع في هادو ياختي كون اومو درتي شوية ماكلة خفيفة
سندس : مكانش عندي وقت كنت اصلن حنديرها غير بنات بيناتنا أيا حتى قالولي لباقي وحنا وكدا وليت درت هكا بزربة
كوثر : معليش معليش .. هيا باش نرجعو بكري
سندس : تمام ..
راحت سندس وشوية تشعلت غنية عيد الميلاد ناضو لبنات يتمايلو معاها وكامل جبدو تليفونات
منها عائشة بدات دير لي ستوري وتصور في صحبتها وهي تقطع في لكيكة
واخيراااا تقطعت وتسيربات الحلوة وسندس لي ولا عمرها 22 سنة ...
رجعو قعدو ياكلو ويضحكو ويتفكرو في يماتهم ... شوية وقت ودارولهم لغنية لي يبغوها بدون شعور ناضو يعيطو راحو يجرو وقفو يرقصو ويتمايلو ...
الحنين لسابق وللأيام الماضية ... خلاهم ينساو كلش حرفيااا
#يتبع
أنت تقرأ
عندما أحب بجنون
Fiksi Sejarah•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
