عندما أحب بجنون

حلقة59

#الحلقة59

#الفصل_ الاول:   " عندما بدأ حبه "

__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....

________

جواد لي طول مدة كلامها وهدرتها وصوتها وهي تشرحلو وهو متعجب منها وحقيقة كان فمو مفتوح وعينيو موسعة وهو يسمع في كلامها شوكاتو لدرجة كبيرة بزاف ... برغم انو كان يدرسها في امور طب تحت طلبها وكذالك كان معاونها تكمل دراستها عن بعد
وهذا بعد طلبها وطلب جدها .. ..
ولكن متوقعش بلي يجي يوم وهي تجيبلو هاد الحل هي نفسها

لانو عائشة حقيقة كانت مدمنة من درجة الاولى وخان ماشي غير نجح في مهمتو بل فاق توقع
كانت وقت يفوت مدة جرعتها بثواني فقط .. تدخل في حالة هسترية حتى مرة قريب قت لت روحها

نطق بصدمة وهو يشوف فيها تستنى في ردو على آحر من الجمر

جواد : عائشة منك صح باغية تجربي على روحك أمور عشوائية استنتجتيها فقط من قراءة كتب لمدة اسبوع وكتب محضورة تان ..

عائشة : انا واثقة 100% من هدرتي جواد وراح تعاوني لانك وعدتني باش تعاوني

جواد : اوكي صحا (مسح على وجهو بكفيه يحاول يستوعب كم المعلومات لي حابتهملو ) ؛ دك باش نبداو

عائشة : نخدمو دوا

عيط عيطة وحدة حتى قفزتها لانو بعد واحد عاشت اسوء شي تقدر تبغي تسمعوه هو صوت لعياط لانو تلقائيا عقلهل يرجع لنهار لي نفجر وتهدم فيه المبنى

جواد : سمحلي كي عيطت بصح وشمن دوا

عائشة : لي راح نتعالج فيه  نروحو للمختبر تاعك !

سكت ملقاش بواش يرد عليها .. وكي ناض ووقف وقفت حتى هي وطريقهم كانت المختبر لي كان في القبو تاع الفيلة ..

كان بلاصة واسعة بزاف بيضاء بلكامل وفيها بزاف ادوات مخبرية خاصة وانابيب تاع محاليل وبزاف مواد كميائية وكذالك كان جهة كبيييرة فيها بزااف ادوية
وفي جهة اخرى كان كاين بزاف من انواع المخدرات لي تم وين وقفت عائشة تشوف ليهم برك بصمت وكان حتى هو يخزر فيها يستنى واش راح دير

حتى عينيها لمحو المخدر الخاص بيها وين كان في ساشي كبيرة وعرفت بلي جواد كان يكذب عليها كي قاللها قرب يخلاص وهو مزال منو بكميات كبيرة
جبداتو وحطاتو فوق طاولة بيضاء كبيرة كانت في منتصف الغرفة
وفتحاتو وخرجت منو خمسة ساشيات صغار كان داخلهم المخدر ..
وراحت جهة الأدوية وجبدت كامل وش تستحق
وحطتهم
الأدوية كامل هرستهم في مهراز طبي وين ولاو كان غبرة
دمجتهم مع المخدر كذالك ... ضافت ليهم واحد محلول كميائي باش يولو سائلين
وجابت بعدها صحن صغير الحجم وكان فيه بزااف دوائر صغار
وجابت حقنة خاصة وعمرتها بلدوا هذاك لي حضراتو وبدات تسيح سائل في كل دائرة باش يتكونو عندها اقراص وين تقدر تبلعهم
حطتهم في فريڨو كان تتم

وبقاو يستناو لمدة من زمن في داك لوقت كانت لمت صوالح لي خدمت بيهم ونقات طابلة
وبعد مرور 15 دقيقة بلضبط جبدتهم وكانو جمدو خلاص
كان الفريڨو هداك درجة البرودة تاعو خاصة بلادوية وحتى المحاليل
حطتهم في علبة خاصة

ووقت كملت خدمتها
طلعت راسها ليه وشافتو واقف مقابلها ضمم يديه مربعهم لصدرو ويشوف معاها بتركيز تام !

جواد : دك وش ديري

عائشة : دك وقت مهمة تاعك ..  لخطوة تالية نبداو بمرحلة الغرفة المعزولة والمهدئات وبما انو تعرف المخدر هدا لي كنت نديه بحد ذاتو اكثر من مهدئ لذالك نحتاج مهدئ قوي وتأثير كبير عليا ..
وهذا تعرف لي تعرف ..

حرك راسو بلايجاب وبدون ولا كلام نطق بيه كان يعرف نوع المهدئ لازم لحالتها .. لطالما كان هو لي يعالجها ... كانو شحال من مرة يديرولها مهدئ يقدر يهدئها شوية برك مي ميشدش فيها بزاف ...
لذالك توجه لواحد لباب كانت داخل الغرفة الواسعة وفتحو بلمفتاح تم وين  تفتحو عينيها ؛ حرفيا كانت غرفة صغيرة فيها بزاااف علب ادوية حقن وحتى المخدر لي كانت تتعاطى فيه .. كانت تعرفو ومستحييل تنساه في حياتي لون تاعو مكانش كيما اي مخدر لون كيما كان ابيض ولكن مائل للباج
خرج بزاااف علب من نوع معين
وخرج وغلق لباب خلفو
حطهم فوق طابلة هديك
وفتحلها باطة
جبد منها زوج حبات كاشي وراح عطاها كاس ما

جواد : بما انو راح نبداو كيما قلتي .. راح تكون لمدة شهر كااامل حبتين كل صباح وصدقيني هذا اقوى

#يتبع

المخبر 👇