#الحلقة41
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
الامر مكانش عليه أبدا ولا سهل كي سمع واش صرا معاها ..
كان وقتها يسوق سيارتو باتجاهات عشوائية ماشي عارف وين يصد لا بجسدو ولا بافكارو
لحد ما قال نعيط ونشوف كلامها هي واش تقول ؟!
لذالك غير عيط ورد عليه راجل كان راه يهجم عليه بكلام حرفيااا بذيء واذا شاف كاش واحد وجهو وقتها يقول شيطان تلبسو!
بقى مقابل لباب لثواني وعينيه على الضوء الاحمر فقط وبين صبعتيه دخانوو
يستنشق سيجارتوو كأنو راهي اخر نفس يتنفسو في حياتو يحاول يمتص كل مرة... ذرة من غضببو
هدي طفلة ببلضبط ماشي عارف واش دارت معاه وكيفاش خلاتو يحس بهادو صوالح جهتها ... مشاعر ماشي باغي يحسهم معاها هي بلضبط بيسك تبانلو انسانة رقيقة بزاف وهشيشة
وهو اذا سبق وحس ولا بادل انسان بمشاعر ! راح يخرج عن سيطرة مراحش يقدر يسيطر على الامر
.... وصدقوني مبغايش يخرج عن سيطرة معاها بلاخص وهو يشوف فيها ناعمة تخاف حتى لو تخدشها بنفس فما بالك بفعل او بكلمة
معمبالوش كيفاش دخلت قلبو وكيفاش قدرت تاخذ جزء من قلبو ومن روحو لحد الان راهو يقول دارت منو جزء .. وللملاحظة كذالك من كلشي خذات جزء
كان يحس انو راهو على حافة الانهيار ••• الانهيار هذاك لي ماشي باغي يخليه يسيطر عليه
رجفتو لي كان يخفيها وهو يرفد في يدو ويدخن بشراهة
شفافو لي كان يحكمو تبغ كانو يرجفو ويحاول يوازنهم بتدخينو المتتالي
احسن الحظ ومن زهرو مكانش قدامو حتى واحد وخاصة صديقووو مؤيد لي كون شاف حالتو حاليا
كان راح يقولو احدى الاقتباسات
احداها ؛ "والبحر يتنهد، موجةً موجة."
ولي قالها كان محمود درويش
هاد لمدة كلها حسها كانو راهي دهر من زمن لذالك كان خصو لبحر باش مع كل موجة يتنهد ومع كل موجة يتنفس نفس جديد ومع موجة خلاف تتنظم دقات قلبو .. قلبو لي راح يخرج من قفصو صدري حاليا ... وهو يخزر للباب لي حسو اسوء باب تغلق في وجهو ...
تفتح لباب معاها مباشرة زير على يدو ماشي مستعد يسمع اي خبر يألم روحو ونهش فؤادو ...
_____
طبيب : حاليا وقفنا نزيف عندها كسر في يدها اليسرى وبعض الخدوش وجروح طفيفة فقط ..
وهذا مكان واش بيها ... نزيف وكسر وخدوش وجروح دارو داخلو عدة صاراعات واضظرابات
طبيب : دك راح ينقلوها لغرفتها تم تقدر تشوفها
حركلو راسو برك وبقى واقف يستنى فيهم يخرجوها
مع راح طبيب ومدة من وقت قليلة خرجوها هي على سرير طبي و قناع الاكسجين على نيفها وفمها ... وسيروم في يدها سليمة والاخرى على الجبس
ملامح وجهها شاهبة
قاطع خلوتو بيها صوت رجل آخر ينطق اسمها بين شفافو ....
#يتبع
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
