#الحلقة31
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
مسح لما على وجهو مطلع شعرو بيديه للفوق
بعدها مباشرة بدا يناجي للروشيات منين كانت هبطت هي
طلع بلخف ..
بعدها وقف يشوف فيها كيفاش راهي تعوم باش تلحق للتم وكلما تقرب وتجي تحط رجلها لبحر يبعدها
حتى لمرا لخرة كي قربت بلخف طابس وشد يدها وطلعها بلمح البصر تم بقات غير تشوف فيه وغير طلق يدها بقات تمسح على يدها يقول هو فيه لجرب
على حركتها بقى غير يشوف فيه ومطلع حاجبو .. ..
هديل : احم شكرا كي عاونتيني
تكلم معاها وكانت نبرة صوتو خشنة ومميزى ببحتها الحادة
ومن صوتو باين من الاشخاص لي بزاف يدخنو !
... بلا مزية
وراح لطنوبيل تاعو
بدات تهدر وحدها وهي تمشي مبعدة عليه
هديل : متخلف ياخي .. مقالي حتى شكرا على كي هبطت بسبتو ... 'اتشووووو' كانت عطست بفعل ريح لي بدا يضرب سيرتو جوايه لبحر ومع ليل يضرب ريح
بدات تزرب في مشية باش متمرضش رفدت صوالحها من بلاصة وين كانت قاعدة وقدما لطنوبيل تاعها وطلعت
جبدت خيمار كان في طونوبيل تاعها دايمن تمشي معاها زيادة عدلاتو مليح
وكي جات ديماري شافتو جاي جهتها مبدل حوايجو قبل مدققتش كامل معاه
اما دوك وهي تشوف فيه
كان يبان رجل في اربعينات من عمرو او في بدايتها
اسمر البشر عيونو سوداء حادة ومجبودة شعرو في اسود قاتم متخللو خصلاات في رمادي ...
كي قربت ليه هبطت تاقة وبقات تشوف فيه
" كنت نسيت باش نقولك مرة جاية حتى لو تشوفي بنادم ماشي غير ميت في لبحر خليه وعيطي لابوليس ولا لومبلونص صحا... كنت قادر نكون ميت صح ونتي لي تدخلي للحبس في جرتي ... "
بقات غير تخزر فيه عاقدة حواجبها من كلامو لي ماشي لطيييف ابدااا
هدرت معاه بصوت قالق ونوعا ما مرتفع
هديل : فهمت درس خويا صحيت مي على اقل قول شكرا !!!
" علاه نتي عاونتيني باش نقولك شكرا؟!
هديل : اذا معاونتكش قولي آسف بيسك بسبت سيادتك قريب متت "
دار شبه ابتسامة مغزاها الاستهزاء بكلامها
" معليش ياخي فهمتي درس هدا هو لمهم نتمنى مرة جاية منشوفكش !؟ "
هديل : امنية مشتركة دك لو سمحت لازمني نروح
بعد من قدامها ودار بيدو جاست تاع تجوز..
______
عند عائشة لي بعدما طلعت لبيتها دوشت وتكسلت على فرشها شادة تليفون تتصفح في المواقع وميساجات لي لازم ترد عليهم
حتى لحقها ميساج من عندها
تم الاستغراب حكمها بقات غير تشوف في ميساج تاعو
وبقات ترد عليه بكلام صغير لي ميتسماش اصلن كلام
لانو كانت ترد عليه بكلمة ولا زوج فقط ...
بداو عينيها يتغمضو ديركت طفات تليفون .....
______
كانت ساعة 7 تاع صباح كامل مزالهم راقدين وعند البعض هذا هو وقت فياقهم
داخل غرفتها العرق يتصب منها كانو عين تاع لما وفتحناها راسها لي كان يتحرك يمين ويسار
وشفافها لي كانو يتمتمو بكلمات متقطعة ويرجفو !!!
كانو راهي في الواقع وعاشت هاد الامر لثاني مرة
.... في نفس الغرفة البيضاء الغرفة لي ولات فيها مدمنة واقفة بملابسها البيضاء وخان واقف مقابلها بثيابو رسمية هاد لمرة كان شخص إضافي وجامي شافتو بقات غير تشوف فيه باستغراب .. كلعادة هاد لوقت كان موالف يعطوها جرعتها ولكن لالا
كانو الحراس يدخلو بزاف معدات وادوات رياضية
بعدما كملو قرب ليها المدرب وخان يشوف ويتابع كلش بعينيه
قرب ليها وحط يديه على خصرها بإحكام حركو على وضعية معينة
مدرب :بقاي ثابتة كيما نحرك تبقاي
بعدها هبط وحط يديه على رجليها وقعد يطلع ويهبط فيهم بطريييقة غييير عادية !!!
انزعجت من تصرفاتو واحساس الامان انعدم عندها
بدات تجرب تتحرك
حتى حست بضرب خلفها بمسطر طوييلة سوداء او بلاحرى كانت سوط لي يشبه تماما لسوط لي ينض رب بيها الحصان باش يزيد في سرعتو !
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
