#الحلقة43
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
محمد : وش كاين ؟!
هديل وحكيمة : غير الخير وشبيه وجهك هكا !
توتر وتلبك معرفش واش يجاوب مي كان احسن شي ميخبرهمش دوك وهو معمبالوش حالتها كيفاش راهي
ماجد : احممم لالا مكاين والوا غير خدمة نسيت واحد الاجتماع مهم وبدا دوك ..
محمد : سووور ماجد
ماجد : سور جدو راح نكذب عليك .. لمهم في طريقي نجوز على عائشة نشوفها
هديل : صحا وليدي كي تشوفها قوللها تعيطلي
ماجد : اوكييي هيا سلام عليكم
غير خرج من صالة وين كانو ياكلو راح يجري لطنوبيل وديمارا لسبيطار لي قالولو عليه !
🔥🔥🔥🔥🔥
في الكلينيك ...
بقى غير يشوف في هذاك راجل لي كانت عينيه هو الاخر على عائشة برك .. كانو بزربة راحو داوها لغرفتها
تم وين فاق براجل لي كان يحكي مع طبيب
طلع فيه عينيه لي بلخف تعقدو ..
كانو لزوج يشوفو في بعضاهم بنظرات شر يخرج منهم ولا تبشر بلخير أبدا
قدم ليه جنيد ويديه داخل جيوب سروال يشوف في جواد من فوق لتحت بعصبية يحاول يخفيها !
ولكن جواد مخبى والوا هذاك لغضبخ كاامل كان باين من ملامح وجهها ويديه لي مزير عليه
( جميع الحوارات بلانجليزية من غير عائلة تاع عائشة ❌)
جنيد : سلام ...
نطق جواد لي بدون مقدمات
جواد : شكون نتا !؟
جنيد : انا لي نسقسيك شكون نتا
جواد : انا حبيبها نتا شكووون ؟! ( هدرها بواحد صوووت مزير على كامل الحروف )
طلع جنيد حاجبو من كلمة انا حبيبها ..
جنيد : اهاه نتا حبيبها وانا شريكها في الخدمة بصح عائشة مقالتليش بلي عندها حبيب كيما نتا !
وشاف فيه من فوق لتحت
جواد : علاه واش راك تشوف فيا واقيل معجبتكش
جنيد : انا ماشي مرا باش نقولك اذا تعجبني ولالا ...
حرفيااا تم جواد وجهو اصفر
وجنيد حاولت قدر الامكان يخفي هذيك الابتسامة الجانبية لانو حس هنا ضر بو في صميم
جواد : صحا نتا شريكها وواش جابك لهنا نظن خلاص طمئنة عليها ودرت لواجب دك تقدر تمشي
جنيد : عفوااا .. أولا ماشي نتا لي تقولي اسكو نبقى ولا نمشي .. ثانيا انا جبتها لهنا وانا لي نتحمل كاامل مسؤوليتها إضافة الى ذللك بغيت نشوفها وهي فاطنة باش نعرف اسكو صح نتا حبيبها ولالا ..
دك عن اذنك لازم نروح عندها
وراح يتمشى مخلي جواد بركان على وشك الانفجار ..
اغلبية ناس يكرهو لباقة في الكلام ..خاصة في مضاربات يبغوها دايمن دبازي مي باش تغلي بنادم لازم تقتلو بلبارد وتبينلو بلي صححح نتا والوا بلنسبة ليه ويقولو واش يقولو ميأثرش فيك
وهذا واش دار جنيد
كان من برا جامد ومن داخل يغلي
ووقت عطى جواد بظهر وهو يمشي بانت تعقيدة حواجبو ويديه لي كانو داخل جيبو كان يضغط عليهم باستمرار حتى كي خرجهم من جيبو كانو حمورا
قرب لبيت تاعها وكي جات ممرضة تجري باش تمنعو دار ليها بذاك لوجه لي من لقلقة مع هو سمر ويحمار كي يتقلق وجهو بان مقلقل حمر مخلط مع سموريا ..
بلخف بعدت عليه و قالتلو سمحلي
دخل لعندها مقابلو غير ريحت دوا وصوت تاع لي ماشين .. تاع ضغط ولقلب
شاف جهتها وين كانو ملامحها شاحبة ومبدلين ..
شعرها مطلعينو فوق المخدة ... لونو الاسود كعتمة اليل وسودا السما ..
ويدها لي مجبرة محطوطة فوقها بعناية ..
قرب ليها وحيد الكرسي لي كان محطوط بعيد عليها شوية
وشد يدها وسط يديها
كانو يديها صغار ورقاق وباردين .. ويديه كبار خشان وملمسهم حرش .. ودافييين
بقى يحرك في يدو على يدها بهدف يرسللها هذاك دفى تاعو ..
بقى لمدة من زمنة يتأمل في ملامح وجهها المميزة !
لطالما عائشة من لي شافها وعرفها .. عرف بلي فيها حاجة مكاش عند غيرها ..
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
