#الحلقة46
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
دورت وجهها عليه ورجعت تسطحت
معمبالهاش كيفاش تسرحت معاه في الهدرة وبدات تڨصر معاه وتحكي كيما قبل
فقط تبعت احساسها وراحتها في لكلام لي لقاتها فجأة الاول مرة مع عبد
كامل تصرالنا هكا لقطة ... سواء كنتو في كار ولا طرام ولا حتى في طريق
وتجي ڨصرة مع كاش انسان وتلقى روحك تحكي وترد وكلش .. واصلن اغلبيتنا الخير نلقاوها في الغريب وماشي القريب .. اغلب طعانات تاعنا يكونو من القراب وهذا لي كان مع عائشة ..
في ظل صمتهم كانت هي مغمضة عينيها ترتاح وهو شاد تليفون يستغل في وقتو الفارغ يرد على ايمايلاتو حتى جاه صوتها وهي تتسائل ...
عائشة : حقا واش قالك طبيب ؟!
غلق تليفون وتقابل معاها يشوف في بدع الخالق لي بدع حقا في تصوريها وخلقها
جنيد : كان صرالك نزيف داخلي وعندك كسر في يدك اليسرى وقالي جروح كيما تشوفي راهم في وجهك ويديك
عائشة : الحمد الله على كل حال
جنيد : ونعم الحمد هكا ولا كثر
عائشة : كنت بغيت نسقسيك
جنيد : تفضلي ..
عائشة : يزيد فضلك .. شركتك بوغش تختص بلضبط
شاف فلحيط لي موراها باش يتجنب نظرة عينيها
جنيد : احم تصنيع سيارات
عائشة : يعني تخدموهم ؟!
جنيد : ايه نخدمهم مي معنديش بزاف من لي فتحت هدي شركة
عائشة : اهاه وقبل واش كنت ؟؟
جنيد : اصل خدمتي وكلش ماشي هنا .. نخدم كلش من جزاير وتم خدمتي نستورد طنوبيلات من هنا ونبيعهم تم
عائشة : اممم وهذا قانوني ولالا
جنيد : بغيتي صراحة !
عائشة : وي
جنيد : غير قانوني واكيييد ليا اسباب مي حاليا كذالك منقدرش نقولك مي كون تكوني معايا نقولك
ضحكت عائشة بهدووء على كلامو اي سؤال ليها ولا كلمة راهو يربط فيها بجملة كون كنتي معايا اني نقولك ولا اني نعطيك وهي رايحة ..
مرجعتش سقساتوو على خدمة لانو من خلال واش عاشت عمبالها بلي كل واحد عندو اسباب الخاصة في اي حاجة في حياتو كيما هي عندها بزاف صوالح سبابهم لماضي تاعها
وعلى أثر هذا النهار والحادث ووضعيتها مع جنيد
تذكر اليوم لي خرجت فيه من داك الحبس ذكرت نهار لي تحرر فيه جسدها من التع ذيب ..
تسطحت وغمضت عينيها وفلاشات من داك نهار بدات تزور فيها
#فلاشباك🔙🔙
واقفة في وسط غرفتها نفسها لي دخلت ليها اول مرة
بيضاء وواسعة ..
دايرة يديها لزوج ورا ظهرها وتخزر للقدام بنظرات جامدة لا مبالية باردة .. وخاليةة من الاحاسيس هدو كاامل نتيجتهم الايام سيئة وتدريبات القاسية لي تعرضت عليهم تحت يديهم !
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
