#الحلقة48
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
هبط لعندها وشدها من يديها جابدها باش توقف نطق بحماس
خان : هيا هيا مزال مكملنا هدي بداية برك
ناضت وقفة معاه جسد بدون روح .. عبارة وين بزاااف نسمعوها بصح قليل منا لي عاشها
تكون تمشي بصح ماشي عايش ...
حي ونتا ميت من داخل ...
خرجو من ديك لبيت يتمشاو في الممر لي كان طويل نوعا ما !
حتى خرجو لبرا كامل ..
غمضت عينيها بانزعاج من ضو ومن صدمتها كذالك لي متوقعتش يخرجها على برا
عام وشهور وهي محبوسة بين لحيوط مشمتش لهوا وجسمها مقاسش شمس وضو تاع ربي ..
وقفت في وسط ساحة وين كانو شجر طوال دايرين بيها كان غابة كثيفة وين جاي لمقر
كانو ثلث نساء مقابلينها لابسين قفزات تاع الملاكمة حتى جا يجري واحد من مساعدين خان وفي يديه قفازات .. عطاهملها لبستهم ببرود وهي غير تخزر فيهم وعرفت المطلوب منها
قربت ليهم وهي واقفة مقابلتهم تتنهد وين لازم عليها تضار ب معاهم وباقصى ما عندها ولا تدفع ثمن قاسي بزاف !
عدلت وضعيتها مناسبة وكي تسمع صوت البوق قربو ليها لبنات محاصرينها
وفي ظرف ثواني قلال وهوما الاربعة يتحركو
لا عائشة بدات تتقا تل معاهم ولا هوما بداو تم عرفت راهم يستناو في ضر بتها بقات تشوف في وحدة منهم كتمويه ودارت روحها راح تقدم ليها وهي الاخرى وجدت روحها ولصدمتهم ضربة طفلة كانت خلفها ماشي منتبهة كامل ليهم
ضر بتها لوجها وقعدت غير تضر ب في الوجه البطن اي منطقة تجي ليها تض رب
كانت هجماتها مثالية واحترافية
لذالك خرجت الاخرى يدها بصعوبة تخبط على الارض وكان الاستسلام من طرفها...
ناضت عائشة من فوقها وقبل ما تطلع راسها هجمت عليها وحدة خلاف خلا دم يسيل من نيفها
مسحت دمها بكف يدها وبقات تشوف فيهم لزوج كيفاش راهم يحاولو دوك ضر بوها .. بقات تتحرك بعشوائية ماشي باغية توريلهم خطوتها القادمة ..
كانت هدي ملاكمة حرة يعني اي أسلوب قتا لي تقدر تستعملو فيها
جيدو ..كراتي .. كونغفو .. بوكس.. اي شئ
لذالك غفلة منهم لزوج
رفدت رجلها للي كانت مقابلتها وتقلبت معاها طاحو لزوج في الارض
تم قدرت تشد يد الاخرى بسهولة وبقات تجبدخ فيها على اساس تكسرلها يدها .. حتى لوخرا بقات صابرة لذالك عائشة ضطرت تكسرلها يدها !
كانت تحارب نفسها تحارب فيهم باش تبقى عايشة تحارب لاخر نفس فيها مستلمتش رغم انو الفتاة الاخيرة كانت أقوى بينهم وعرفت انو عائشة ماشي خصم سهل ومستحيل توريلك خطوتها القادمة لذالك سعملت نفس خطواتها ..
رغم الالم لي كان ينهش فيها وضر بات لي توجهة ليها بشكل مؤذي وقاسي ولكن كملت
واخيرااا ربحتها !
ووقتها طاحت على الارض متسطحة تشوف في سما وصوت انفاسها ولهاثها مسموع بقوة !
اما عن خان كان يشوف فيها بانبهار
تكلم والدهشة واضحة من نبرة صوتو !
خان : صح صح نتي أعظم انجازاتي عائشة
تمتمة بخفوت ومزالت تشوف في سما
عائشة : بإذن الله نكون اخرهم ..
مجات تزيد تاخد نفسها الاخير حتى تسمع صوت اطلاق نااار قاويي
طاحو عليهم بوابل من الرصاص و بزاف من الحراس شافتهم ولا جسمهم حرفيااا مثقووب بزوواف كيف بغرير
صدمة شدتها بقات غير تشوف فيهم وهوما يطيحو كيف ذبان
وقفت بصعوبة وهي تشوف حوليها بذعر تعود تقيسها كاش حاجة
وغير بدات تجري باش تدخل داخل الغابة تسمع صوت انفجار قاااوي لي غير وين جات دور حتى وين تتطبع بقوة ويتخبط ظهرها مع شجرة من شدة قوة الانفجار هذاك ..
كان الانفجار في المقر وين تهدم وولاو كلها خراب ومدمر ودايرين بيه غير اجسام الموتى
وين جسم شخص لي عذبها كان مدفووون فوق اطنان من الاسمنت والحجر
غمضت عينيها ودموووع وسطهم .. وحاست بلعبد لي رفدها بين يديه ووقت باسها فوق راسها وسمعت صوتو
" هاني جيت بنتي "
للحظة تخاليت بلي باباها وتمنات يكون هو ..
ولكننن!!!!
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
