#الحلقة57
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بعد مرور ساعات كانت بلنسبة ليه كنز فيها قدر يحفظ ملامحها وجهتا ويرسخهم في اعمق جزء من ذاكرتو ريحتها لي حتى لو تخلطت مع ريحة دواوات وريحة سبيطار الا انو مزالت عطرة
كانت ريحتها مزيج بين ريحة الياسمين والفاني بدرجة خفيفة بزاف تخليك تبغي تقعد غير تشم في ريحة هديك ومتكرهش منها
بدات تفتح عينيها وهي حاسة بكل عظمة فيها مدڨدڨة
مع عائشة كلشي بدا عبارة عن رؤية معاها لاول مرة شافها وقت الاجتماع كانت مجرد شوفة عادية شاف فيها وحدة
ونظرة كانت وقت شافها في الحفلة
و الخطوة الثالثة هي لي راه فيها سهوة
يسهى فيها لثواني ولساعات كيما دك باش يرسخ منظرها شكلها منحنيات وجهها في ذاكرتو للابد باش وقت يغمض عينيه اول وجه يبادر ذهنو وجهها وعينيها لي يفتنوه
معمبالوش واش هي بنسبة ليه
ومعمبالوش بلي راهو بدا يطيح فيها ... وجاز على كامل خطوات الحب بلترتيب
______
حالة حال اي واحد دك.... كيما عبد الهادي لي ماشي جايب خبر اصلن بلي راه لاحق في سهوة فيها في الغيسة في شكلها المستور
كانت اول مرة ليها هي لي تضمنت الخطوتين
_______
بصح كيما كامل نعرفو ماشي لازم تكون منظم في بزاف صوالح باش تنجح حتى وتبع تعليمة بحذافيرها لازم يصراولك صوالح خارجين و متعرفش منين ينزلو عليك
رغم انو جنيد تبع خطوات الحب لي رسمهم القدر ليه ! ولكن مراحش يقدر يعرف بلي راه يحبها لانو صح جنيد مزال مبداش يبغي عائشة
كل هذا بلنسبة ليه بداية فقط .. بداية لواش معرفناش بلضبط
بلنسبة ليه هاد المشاعر هاد الموجات الحارقة لي راه يعيش فيهم معاها ! كلش جديد عليه ؛ لذالك حتى واحد مراح يعرف اسكو هو راح يبغيها صح ولا راح يفوت الحب وينتقل لشي ثاني
_______
خرج من افكارو على صوت انين خفيف صدر منها !
دار شاف فيها وتلقائيا ترسمت البسمة على وجهو
شافت فيه وهي للحظة تحاول تستوعب وش جابو هنا
حتى انو نطقت باتسغراب كان بادي من ملامح وجهها وحتى صوتها ؛ ...
عائشة : جنيد !
بقى ساكت فقط يشوف فيها بابتسامتو الخفيف لي تقدر تجيب الريبة لاي واحد بصح ماشي هي
عائشة (بصوت مبحوح بلكاد يتسمع) : لما تعيش
رفد قدامو كاس ما ديجا كان محطوط معمر ومغطي
قرب ليها وطلعلها راسها شويا وعطاها تشرب وحاط يدو تحت فمها باش متقطرش
حاولت قدر الامكان متتبسمش على هدي لقطة مي تبسمت !
جنيد : علاه راكي تتبسمي ؟
عائشة : هكاك برك يعطيك صحة كي راك معايا مالڨري مراكش ملزوم تكون معايا !
مسح على شعرها بحنان
جنيد : ولو عائشة لازم عليا...
رجع قعد معاها وبقى برك ساكت حتى نطقت هي كاسرة الصمت لي كان بيناتهم
عائشة : مزال كامل مرحتش لدار ؟!
حرك راسو بلايجاب
ورجعت زادت نطقت
عائشة : علاش ارجعع لدار ريح شوية يكونو داركم مقلقين عليك !
مسح على لحيتو لي كان مصففة بعناية .. حركة يديرها وقت ميبغيش يجاوب ولا حتى يرد على داك لبنادم
طول شوية باش يرد عليها حتى كانت راح تنطق
تم وين رد عليها بنبرة جادة
جنيد : دارنا ماشي عايشين هنا .. عايشين في بلاد خلاف
عائشة : ااهاااه .. سمحلي على تطفل تاعي كان مجرد سؤال برك
جنيد : لا عادي
بكل صراحة عائشة معمبالهاش علاه راهي تتعامل بهاد الهدوء معاه وحتى بلطافة .. معمبالهاش اسكو كي لقاتو معاها في هاد لوقت ومخلاهاش .. كيما جواد لي غير قالتلو راح راح صح حتى وهو يعرف اذا كشما صرالها وطاحت في ازمة وتستحق دوا تاعها هنا حتى واحد مراحش يفهمها غيرو
حقيقة حتى كامل الآطباء المشهورين
مراحش يقدرو يعرفو بلي راهي انسانة مدمنة على نوع معين من المخدرات لي مكاش اصلن في سوق للبيع .. ولي راهي تحاربو بدوا يصفي المخدر من دمها وفي نفس لوقت يعطيها جرعة بكميييية جدد جددد قليلة من المخدر
ماشي ساهل ابدا يخلوك انسان مدمنة في ظرف مدة قليلة وكذالك المخدر بحد ذاتو في مادة تخليك مدمن عليه يعني تخيلو كمية المعاناة لو انتشر هاد نوع في العالم تم صح وحقيقة راح ينهار كلشي ..
دوا لي كانت ولي راهي تشرب فيه قدما فيه نسبة قليلة من المضرة قدما مليح لصحتها ويعاونها باش تتعافى وعلى مر السنوات تاكدو من صحتو لذالك تم اصدارو
هاد دوا كان مصنوع من قبل شخصين فقط
هي وجواد
لي في واحد لوقت من مراحل الياس تاعها لي وقت مقدرتش تتغلب على ادمانها كان يعطيها جرعات صغيرة بزاف تصبر بيها روحها لي يقدر ما كانو ميشبعوهاش وميرووش عطشها للمخدر ولكن كانو يصبروها
تم واحد لمرة راحت المكتبة وراحت لقسم المخدرات وين كانو كاينين كتب خاصة تقولك على مكونات المخدرات بتفصيل الممل وكل مادة فيه تعطيك ايجابيات تاعها ومنها سلبيات
خدات عدد معين من الكتب
وبقات لمدة اسبوع كااامل وهي تقرا وتدرس فيه
وبما انو كان ليها علم مسبق بمكونات المخدر لي راهي تتجرع فيه ولي عمبالها بقى منو فقط كمية قليلة لذالك كان هاد اسبوع جواد نقص في جرعات ولا يعطيها فقط
حقنة فيها مل واحد برك وياربي تقدر تغذيها ..
#يتبع
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
