#الحلقة38
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
بعد ما كمل الاتصال تاعو لم لورق تاعو .. وزاد راح للخزانة تاعو بد لفاليزا وحط فيها ملابسو واي شي يحتاجو وحقيبة اخرى خاصة حط فيها اوراق العمل مع الحاسوب ..
غير ثيابو لاخرى عملية
سروال جين مع شوميز بيضاء لبس ساعتو في اليد اليمنى واليسرى حط فيها مسياسة فضية لون
رش ريحتو وخرج هابك للتحت ..
كان المنزل جميييل وراقي بزاف كلشي فيه عصري ومتطور
دخل للصالة لي كانت عالم اخر تلفاز كبيير معلق في الحائط ومشعول على احدى بودكاست لشيوخ معروفين !
وقدامو في واحد من لي فوتاي كانت قاعدة مرا في اواخر الستينات من عمرها
جنبها كُبة تاع صوف وشادة بين يديها زوج مطارق كانت دير في كورشي
وفوق فخها جالسة قطتها بيضاء اللون وعلى عنقها عقد فيه جرس كلما تمشي يتسمع حسو
كانت تخدم وتسمع في نفس الوقت حتى سمعت حسو
طلعت راسها وتبسمت في وجهو والبياض كان خارج من وجهها
لي نور يشع منو
نطقت بصوتها الهادي ولي يخليك تحس براحة وطمأنينة ..
صفية : عبد الهادي جيييت
تكلم معاها بصوتو رزين ولهادي مثلها
عبد الهادي : جيت جيت بغيت نحكي معاك
صفية : الله يسمعنا خبار الخير
عبد الهادي : غير الخير ياخي عمبالك جيت غير نطل عليك ونشوف احوالك .. دك عيطولي لازم نهبط لجزاير لخدمة
صفية : ونتا عندك غير سمانة من لي جيت ياوليدي مشبعتش منك
عبد الهادي : قتلك ارواحي معايا يا يما نتي مبغيتيش
صفية : وختك قرايتها هنا على اقل تكمل تقرا تم ساهل الحال منقدرش نخليها كي هي كي خوك
مسح على وجهو بنرفزة يحاول ميظهرهاش !
عبد الهادي : معليش معليش لحنانة راحتك وراحتهم اسبق .. لمهم غدوة مع ليل طيارتي
صفية : ربي يوصلك بسلامة ان شاء الله
عبد الهادي : اللهم امين .. هيا انا نخليك نروح لشركة !
قرب ليها وباس يدها وجبينها بمعزة
وخرج وحواجبو معقودين
وقت قاللها راحتك وراحتهم اسبق كان راح يقول اسبق مني وولا سكت مبغاش يخليها تحس بلي راح راه يتحسس من خاوتو
على قولت ناس .. ولا من وجهة نظر تاعو !
مدام هو الكبير لازم هو يتحمل وهو لي يخدم على خاوتو راهم امانة في عنقو .. هو لي يبعد على يماه وهو وهو وهو .....
وميقدرش يفصح على هاد شي ...
#يتبع
أنت تقرأ
عندما أحب بجنون
Ficción histórica•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
