#الحلقة62
#الفصل_ الاول: " عندما بدأ حبه "
__الحب خطوات 💫... و الخطوة الاولى كانت رؤية ..... والثانية نظرة... والثالثة سهوة💗 ....
________
عائشة : هو عمبالو علاش حاوزتو ... تان غير هو لي يعرف كلش على مرضي وصحتي
جنيد : اهاه صار هكا .. معليش
عائشة : ايه انا كنت حاوزتو ديجا على اساس صديق مي في الأول والاخي هو طبيب تاعي
جنيد : علاه وشمن طبيب بلوس بواش مريضة نتي
سكتت للحظات تفكر .. وش تقولو وكيفاش تخبرو بحالتها مجاات في بالها حتى كذبة تقدر تسلكها
وماسكلها غير صوت لباب لي دقدق
جنيد : ادخل
دخلت احلام وهي تضحك وغير شافت عائشة قربت ليها تجري
احلام : يوووو عيشوشتي علاه حتى مقلتيليش راكي هنا حتى نسمع من خوك كي شفتو
عائشة : مكان والوا ياقلبي اكسيدو خفيف وهاني حمد الله
احلام : حمد الله لي خرجتلك سلامات هكا ولا كثر
عائشة : اييييه وكيفاش تلاقيتي بماجد !
احلام : تحت كنت في لكافي حتى شفتو
احلام غير طلعت عينيها فاقت بجنيد لي كان لاتاي بتيليفون تاعو ماشي سامع بيهم كامل .. هدي هي حالتو لي لاحظتها عائشة كلما يجي عندها كاش واحد لشومبرة يشد تليفون وميلتاش كامل بيهم ..
وغير يروحو يقعد معاها وعينيه في عينيها
وقت يشوف فيها تحس عينيه يخترقو روحها وقلبها وعقلها عينيه شيء تاني تماما ..
طابست احلام لحد وذن عائشة ونطقت بخفوت
احلام : شكون هذا ؟!
عائشة : قصة طوييييلة ارواحي عندي مع ليل كامل اذا راكي قاعدة هنا نحكو ومامتو منكونش وحدي ...
احلام : ان شاء الله هيا ملا نروح لخدمتي باش متكونش عندي بزاف مع ليل
عائشة : أيا اوكي حبي بسلامة
وسلمت عليها وخرجت
غير خرجت احلام شاف فيها بحدة
جنيد : علاه لي يجي تقولي حبي وعمري وكدا وكدا ؟! ماعندهمش اسم
شافت فيه بصدمة من سؤال تاعو
عائشة : عادي انا نبغي نقول هكا !؟ علاه كاين مشكل
جنيد : قلقتيني متبقايش تقولي هكا لاي واحد ماعندهمش معنى اصلن
عائشة : أوااااااه نتا صح صفابا .. وش دخلك هوما يعجبهم لي نقوللهم هكا نتا مالك ياخويا قلقتك خبط راسك على لحيط لي وراك
طلع حاجبو ودار ضحكت استهزاء من كلامها
جنيد : صار هكا نخبط راسي على لحيط وانا وش دخلني .. نهار يولي عندي دخل رسمي تم تشوفي الهدرة تاع صح ودوك نخليك .. الله يجيب شفا
وخرج وخلاها مصدومة من افعالو ..
هذا صح مريض ...
#يتبع
#رايكم على الحلقة
أنت تقرأ
عندما أحب بجنون
Historical Fiction•• ســلـام عـلـيـكـم • الجنون أنواع ... وأشدهم جنون الحب .. فماذا لو كان رجلٌ مجنونا بكِ بتفاصيلك وأصغر مافيكِ قال : جنوني بكِ ما هو إلا بداية تعبر عن ما بداخلي فـ الله وحده من يعلم ما بداخلي » « كبُوتُ مشاعري لا يعلمه إلا خالقي » « عندما أَنظر...
